အလွမ်းပြေ

ဆရာ သမီးတို့တွေ မနေ့က ဆုံဖြစ်ကြတယ်....။ ဒီလို ၄ယောက်ဆုံဖြစ်ဖို့က တကယ်ကိုမလွယ်ပါဘူး အားလုံးကိုယ်စီကိုယ်ငှ အလုပ်တွေနဲ့ ရှုပ်နေကြတော့ တွေ့ဖို့ချိန်းရင် ပျက်တာကများပါတယ် ။ သမီးတို့တွေဆုံပြီး ဓါတ်ပုံတွေရိုက်တော့ ဆရာ့ကိုတော်တော်သတိရမိတယ် ။ လွန်ခဲ့တဲ့ ၄နှစ်လောက်ကလည်း ဒီ၎ယောက်ကို ဆရာကိုယ်တိုင်ကမ်းခြေမှာ ဓါတ်ပုံတွေရိုက်ပေးတာကိုလည်း ပြန်သတိရမိတယ်..။



ဆရာပျိုးထောင်ပေးတဲ့ပန်းလေးတွေ သူများနိုင်ငံမှာ အောက်မကျပဲအလုပ်လုပ်နိုင်ပြီလေ ဆရာ ....။ သမီးတို့ရဲ့သမိုင်းမှာ ဆရာပါဝင်ခဲ့တဲ့ အခန်းတွေကို ဘယ်တော့မှကျော်သွားလို့ရမယ် မထင်ပါဘူး....။ ၄ယောက်စလုံးထွက်သွားတာ ကျွန်တော့လက်တွေကိုဖြုတ်သွားသလို ခံစားရတယ်လို့ ဆရာကြီးဦးခင်မောင်တင့်ကို ပြောခဲ့တဲ့ဆရာ့အသံကို အခုထိအမှတ်ရနေဆဲပါ ။ ၂နှစ်လောက်ရှိတဲ့အချိန်ထိ ဖုန်းပြောတိုင်းဆရာပြောနေကျ ခင်ဗျားတို့၎ယောက်လိုမျိုး ကျွန်တော်ဘယ်တော့မှ မရနိုင်တော့ဘူးဆိုတဲ့ စကားကလေ သမီးတို့တွေ တာဝန်မကျေသလိုကို ခံစားနေရဆဲပါ ။

ဆရာ့ဆီမှာ လုပ်ခဲ့တဲ့၂နှစ်လုံးလုံး စိတ်ဆင်းရဲမှုဆိုတာ မရှိပဲ ဆရာစားမချန် တပည့်တွေကို ချော့လို့တစ်မျိုး ခြောက်လို့တစ်သွယ် တစ်ချို့အပိုင်းတွေမှာ မသိသလိုနေပြီး တပည့်တွေကို ဆုံးဖြတ်ရဲအောင် လမ်းကြောင်းပေးခဲ့တာတွေကို အခုထိမှတ်မိနေတုန်းပါပဲ ။ ဆရာ့ကျေးဇူးတွေအကြောင်းပြောရမယ်ဆိုရင် သမီးဘလော့လေးတောင်ပြည့်သွားနိုင်ပါတယ် ။ ဒါပေမယ့်မနေ့က ၄ယောက်ဆုံတုန်း ဆရာ့ကိုအားလုံးသတိရနေတာကတော့ ဖွင့်မပြောပေမယ့် အားလုံးရဲ့စိတ်ထဲမှာ ထပ်တူညီတဲ့ခံစားမှုလေးပါပဲ ။ သမီးတို့အားလုံး ဆရာလာလည်မယ့်အချိန်လေးကို မျှော်နေကြသလို ဆရာကျန်းမာပါစေလို့ နေ့စဉ်ဆုတောင်းပေးရင်း ဆရာ့အလွမ်းပြေပို့စ်လေးတစ်ပုဒ် တင်လိုက်မိတယ်ဆရာ.....။