ဆိုးတယ်လို့ ဆိုချင်ဆို.....

စာတွေရေးတယ်ဆိုတော့ ဒီတစ်ခါသစ်သစ်ရဲ့ ငယ်စဉ်ဘ၀အကြောင်းကို နည်းနည်းရေးပြချင်ပါတယ် ။ ကိုယ်ငယ်ငယ်တုန်းက ဆိုးသလား မဆိုးသလား အခုနေပြန်စဉ်းစားရင် မဆိုးဘူးလို့ပဲ မြင်ချင်ပါတယ် ။ သစ်သစ်ကိုမကွေးမှာမွေးပြီး ၆လသမီးလောက်မှာပဲ အဖေ နှင့် အမေက သားသမီးတွေ ပညာရေးအတွက် ရန်ကုန်မှာအခြေချဖို့ ပြောင်းလာခဲ့ပါတယ် ။ ၀န်ထမ်းဘ၀ကနေထွက်လာခဲ့တော့ အပြင်စီးပွားရေးစတင် လုပ်ခါစမှာ တော်တော်ပင်ပန်းခဲ့တယ်လို့လည်း ပြောပါတယ် ။ အဲဒီအချိန်တုန်းက သစ်သစ်က ၁နှစ်ပေါ့ ကိုကြီးက ၁၅နှစ် ၊ ကိုငယ် က ၁၃နှစ် နဲ့ မမက ၁၁နှစ်ပေါ့...။ ၀န်ထမ်းဘ၀မှာ နှစ်၄၀လောက် ကျင်လည်ပြီးတဲ့ ဖေဖေ က တကယ်အပြင်ရောက်တော့ ဘာကိုစလုပ်ရမှန်း မသိပဲ ဂျပန်ကုမ္ပဏီတစ်ခုမှာပဲ စကားပြန်ဝင်လုပ်ခဲ့ပါတယ် ။ သားသမီးတွေကို ကျောင်းကောင်းတွေမှာထားပြီး ဒီလိုပဲ အေးဆေးစွာ လောဘမရှိနေခဲ့ပါတယ် ။ ဒီအချိန်မှာ သစ်ဘ၀ရဲ့ အမြဲတမ်းစံပြုအားထားရတဲ့ မေမေဟာ ဒီလိုနေရင် ငါ့သားသမီးတွေ လူတန်းစေ့အောင် ထားနိုင်မှာမဟုတ်ဘူး သာမန်ဝန်ထမ်းသားသမီး ဘ၀နဲ့ပဲ ဖြတ်သန်းရလိမ့်မယ်ဆိုပြီး သစ်ကို၁၁နှစ်သမီး မမကိုထိန်းကျောင်းစေပြီး စီးပွားရေးလုပ်ငန်းတစ်ခုကို စတင်လုပ်ကိုင်ခဲ့ပါတယ် ။ သစ်မေမေက တကယ်ကို သတ္တိရှိပါတယ် ဖေဖေရဲ့ကူညီထောက်မပေးမှု တစ်စုံတစ်ရာမှ မပါပဲ သား၂ယောက်ကို ဘယ်တစ်ဖက် ညာတစ်ဖက် လက်ဆွဲပြီး လုပ်ငန်းများကို စတင်ပြီး လုပ်လာခဲ့တာ အခုအချိန်ထိ မနားသေးပါဘူး ။ သစ်မတိုင်ခင် အစ်ကို အစ်မတွေ အထိ မေမေဟာ ရင်အုပ်မကွာ အုပ်ချုပ်ပြီး ကျန်းမာရေး ပညာရေး မလစ်ဟင်းအောင် ပြုစုပျိုးထောင်ခဲ့ပါတယ် ။ သစ်အလှည့်ရောက်တော့ မမတို့လောက် ဂရုမစိုက်တော့ ငယ်စဉ်က သစ်တကယ်ကို မေမေ့အပေါ် အထင်လွဲခဲ့ဖူးပါတယ် ။ ငါ့အမေအရင်းရော ဟုတ်ရဲ့လားဆိုတဲ့ သံသယတွေ ၀င်ခဲ့ဘူးပါတယ် ။ မေမေထက်စာရင် ဖေဖေကမှ သစ်နဲ့ပိုပြီးရင်းနှီးပါတယ် ။ သစ်ကိုအရမ်းအလိုလိုက်သလို အရမ်းလည်းချစ်ပါတယ် ။ ဖေဖေ ရှာသမျှဟာ သစ်အတွက်ကြီးပဲ ဖြစ်ခဲ့ပါတယ် ။ ငယ်ရွယ်တဲ့သစ်ဟာ အစ်ကို၊ အစ်မတွေကြားမှာ မောက်မာစွာနေခဲ့ဘူးပါတယ် ။ သူတို့တွေကတော့ သစ်ကိုအရမ်းကိုချစ်ကြပါတယ် ။ ဘယ်တော့မှလည်း သစ်ခိုင်းတာကို မငြီးငြူသလို သစ်စကားကလည်း သူတို့တွေဆီမှာ အတည်ပါပဲ ။ တခုခုလုပ်မယ်ဆို သစ်ကိုမေးရတာ သစ်ကလေးဘ၀ထဲကပါ ။ သူတို့ယုံကြည်တာက သစ်ကကောင်းတယ်ဆို ဒီလုပ်ငန်းအောင်မြင်မယ် ဆိုတဲ့ အချက်ပါပဲ သစ်ကလေးဘ၀ကတော့ ဒီလိုပဲ စိတ်ထဲရှိတာပြောတတ်ပါတယ် ။ ညီမလေးရေ ကိုကြီးတို့ ဒါကိုဝယ်မယ် ညီမလေးကြိုက်လား ဆိုရင် သစ်က လိုချင်ရင် ကြိုက်တယ် တစ်ခါတစ်လေလည်း ကြိုက်ပေမယ့်လည်း မကြိုက်ဘူးပြောတတ်ပါတယ် ။ ဒါဆိုသူတို့ဘယ်တော့မှ ရှေ့ဆက်တိုးပြီး မလုပ်ပါဘူး အားလုံးနောက်ဆုတ်တတ်ကြတာ ထုံးစံပါ ။ သစ်အရွယ်လေး ရလာတော့မှ သေချာစွာစဉ်းစားပေးတတ်လာတာပါ ။ သစ် အစ်ကို ၊ အစ်မတွေ ထဲမှာ သစ်အနွံတာ အခံဆုံးကတော့ အစ်ကိုကြီးပါပဲ ။ သူတို့တွေ တက္ကသိုလ် တက်တုန်းကဆို သစ်ကကလေးပဲ ရှိပါသေးတယ် ။ မနက်မိုးလင်းလို့ အစ်ကို အမတွေ ကျောင်းသွားဖို့လုပ်ပြီဆို သစ်ကအကျီ င်္အသစ်ဝတ် သနပ်ခါးလူးပြီး ခြံစည်းရိုးရှေ့က မထတမ်းစောင့်နေတတ်တယ်လေ ။ ဘယ်သူနဲ့သစ်လိုက်ရမလဲ စောင့်နေတာပေါ့ ။ ကံအဆိုးဆုံးက အစ်ကိုကြီးပါပဲ သစ်အစ်ကိုငယ်က ဆိုင်ကယ်နဲ့ကျောင်းတက်တော့ အမေက ဘယ်တော့မှထည့်မပေးတတ်ပါဘူး ။ သစ် အမကလည်း ကားမောင်းတဲ့ ဒရိုင်ဘာချင်းအဖိုးကြီးနဲ့ ကျောင်းတက်ပါတယ် သစ်ကိုမခေါ်ပါဘူး သူ့သူငယ်ချင်းတွေက နင့်သမီးလားလို့ စတတ်ကြလို့တဲ့ သူရှက်တယ်ဆိုပြီး မခေါ်ပါဘူး ။ သစ်ကတော့ အစ်ကိုကြီးရဲ့ ကားနားမှာဟိုဘက်ကပတ်လိုက် ဒီဘက်ကပတ်လိုက်နဲ့ မလွတ်တမ်းနေတာပါ ။ အစ်ကို အစ်မတွေ ကျောင်းတက်ရင် သစ်က၄ရက်လောက်လိုက်လေ့ရှိပါတယ် ။ အစ်ကိုကြီး ကျူတိုရီရယ်ဖြေရင်လည်း သစ်ကစာသင်ခန်းမှာလိုက်ထိုင်တတ်ပါတယ် ။ တစ်ခါတစ်လေ ကျတော့လည်း ကားကိုမှန်တွေဖွင့်ပြီး ထားခဲ့တတ်ပါတယ် ။ ချင်းအဖိုးကြီးကတော့ လာလာကြည့်ရပါတယ် ။ မမက RC2 မှာတက်ပြီး အစ်ကိုတွေက မိန်းမှာတက်ပါတယ် ။ ကိုကြီးနဲ့လိုက်တော့ သစ်က မိန်းမှာနေရတာ များပါတယ် ။ ဒရိုင်ဘာ အဖိုးက အာစီတူးမှာ ကားကိုရပ်ထားပြီး မိန်းမှာသစ်ကိုလာစောင့်ရတတ်ပါတယ် ။ သစ်ကတစ်ယောက်တည်း ဆော့နေတာကိုး မေမေထည့်ပေးတဲ့ ထမင်းဘူး ရေဗူး မုန့်ဗူးတွေနဲ့လေ ။ ကိုကြီး သူငယ်ချင်းတွေကလည်း သစ်ကိုအရမ်းခင်ကြပါတယ် ။ ကိုကြီးတို့ကင်တင်းသွားရင် သစ်ကလိုက်နေကျပေါ့ ။ လိုက်ရရင်ပြီးရောလေ ငိုလည်းမငို ပြန်ချင်တယ်လည်း ဂျီမကျတတ်တော့ ကိုကြီးက အမြဲခေါ်နေတော့တာပေါ့ ။ နောက်ပိုင်း သစ်ကျောင်းတက်တော့မှ မြကျွန်းညိုညိုနဲ့ ဝေးခဲ့ရတယ်လေ ။ သစ်တက်တဲ့မူလတန်းကျောင်းလေးက အိမ်နဲ့အလွန်နီးပါတယ် ဒါပေမယ့် သစ်သစ်က အိမ်ကကားနဲ့လာမကြိုရင် ကျောင်းကမပြန်ပါဘူး ။ ဟိဟိ ငကြွားလေ သိတယ်ဟုတ် ။ အစ်ကိုတွေဘယ်လောက်ပဲ အလုပ်ပင်ပန်းပါစေ သစ်ကိုဆိုဘယ်တော့မှ မငြီးငြူဘူး လာကြိုတာပဲလေ ။ တညလုံးကားမောင်းပြီး ခရီးဝေးကပြန်လာလည်း မနက်သစ်ကျောင်းတက်မယ်ဆို လိုက်ပို့ပြီးမှ ပြန်အိပ်ကျတယ်လေ ။ အထက်တန်းရောက်လို့ ကျောင်းကားစီးလည်း အစ်ကိုတွေရှိရင် ကျောင်းကားထွက်မစောင့်ပါဘူး အစ်ကိုတွေကုတင်နားမှာ ရစ်သီရစ်သီနဲ့လေ ...။ မပို့မချင်းမသွားဘူး ....ဟိဟိ ။ ဒါတွေကဆိုးတာဆိုရင်တော့ သစ်ငယ်ငယ်ကဆိုးခဲ့တယ်ပေါ့လေ ...။ ရေးစရာတွေကတော့ များတယ်ငယ်ဘ၀ကလေ ဒါပေမယ့်ဒီနေ့တော့ဒီလောက်နဲ့ပဲ နားချင်သေးတယ် ။ နောက်တစ်ခေါက်ပေါ့နော်....။