ဖျက်လို့မရ သမိုင်းများ ၈

တတိယနှစ်ကျတော့ သစ် နဲ့ ခိုင်ဇာ မျက်စိလည်လမ်းမှားပြီး အေခန်းရောက်သွားပါတော့တယ် ။ ဒေါင်းအလယ်က ကျီးလိုပါပဲ လူကသာအေခန်း စိတ်ကကျန်ခဲ့တဲ့ စီခန်းမှာကြီးပဲရောက်နေတာလေ ။ နောက်နှစ် Btech ဆိုတာခေါ်မယ်ပေါ့နော် သေတော့မသေချာဘူး ကြိုးစားထားရမှာ ကိုယ့်တာဝန်ပေါ့လေ ။ ထင်ပါသလား ကြိုးစားတယ်လို့ .....မပြောင်းလဲပါဘူးကွယ် ။ ကြိုးစားမယ် ဆိုပြီးအဖေကို အဆောင်နေဖို့ပူဆာပါတယ် နေခွင့်လည်းရခဲ့ပါတယ် ပိတောက်ရိပ်ဘော်ဒါဆောင် ပါ ။ တစ်လပဲနေပြီး မနေနိုင်ပါဘူး ကိုယ့်အိမ်နဲ့မှမတူတာလေ ပြီးတော့အစားအသောက် တော်တော်ကိုဆင်းရဲပါတယ် ။ ဆိုင်ထမင်းပဲစားရတာလေ နောက်နေမကောင်းဘူးဆိုပြီး အိမ်ပြန်တော့တာပါပဲကွယ် ။ အဆောင်နေတုန်းလဲ ကျောင်းကားစီးတယ်နော် သူတို့နဲ့မခွဲနိုင်လို့လေ အဆောင်ရှေ့ကနေ ကျောင်းကားစောင့် ပြီးတော့ကျောင်းထိစီးသေးတယ် ။ တတိယနှစ်ဆိုတော့ ကျောင်းပြီးရင် ဘယ်မှာလုပ်မယ် ဘယ်လိုလုပ်မယ်ပေါ့နော် ပြောနေကြတာပေါ့ ။ သစ်တို့ကတော့ သူများကိုနောက်လို့ မ၀သေးပါဘူး ။ ငါ့မှာအဆက်အသွယ်ရှိတယ် ။ ဒေါ်လာနဲ့ရမယ် လုပ်မလားပေါ့နော် ။ အစ်ကိုကြီးတွေကိုစတာများပါတယ် သူတို့ကလည်း ပြောပါဦးဟပေါ့နော် ။ သစ်က ယောက်ျားလေးလည်းရတယ် မိန်းကလေးလဲရတယ်ပေါ့နော် အရမ်းသက်သာတယ်လို့ တစ်နေ့တစ်ကြိမ်ပဲဆိုတော့ သူတို့စိတ်ဝင်စားကြပါတယ် ။ ဘာအလုပ်လဲဆိုတော့ မိချောင်းကို တစ်နေ့တစ်ကြိမ်ပုံမှန် သွားတိုက်ပေးရမယ်ပေါ့နော် ။ နောက်တစ်ခုက မြွေပွေးကို နံနက်တိုင်း နို့တိုက်ရမယ်ပေါ့နော် သူတို့ကလည်း မဆိုင်းမတွပါပဲ ထမင်းငတ်ချင်ငတ်ပါစေ ဒါတော့မလုပ်ပါရစေနဲ့တဲ့လေ .....ဟားဟား ရေးနေရင်းပြန်သတိရပြီး ရီချင်နေတယ် ။ ဒီလိုနဲ့ပြောင်လိုက်နောက်လိုက်နေလာလိုက်တာ စာမေးပွဲနဲ့နီးလာခဲ့ပါတယ် စာတွေကလည်း ကြည့်လေမရလေပေါ့နော် ။ ဖြေလိုက်တာအသီးသီးပြီးလို့ drawing ဘာသာလည်းရောက်ရော သစ်ပြသနာတတ်ပါတယ် ။ ၄နာရီမေးခွန်းဖြေပြီးလို့ ဆရာမကိုစာရွက် အပ်ဖို့တိပ်ကိုခွာလိုက်ချိန်မှာ လျှပ်စီးမ သစ်သစ်စာရွက် ထက်ခြမ်းပြဲသွားပါတော့တယ်ကွယ် ။ ဘာမှမလုပ်တတ်တော့လို့ ထိုင်ငိုချလိုက်တော့ ဆရာမက တိတ်နဲ့ကပ်ပေးပြီး အဖြေလွှာသိမ်းသွားပါတယ် ။ ဘာပဲဖြစ်ဖြစ် သစ်သစ်အဲဒီ တတိယနှစ်မှာ ဘာသာစုံဂုဏ်ထူးထွက်ပါတယ် ။ အထင်မကြီးပါနဲ့ဦး လူ၁၈၀မှာ ၃၀ ဘာသာစုံဂုဏ်ထူးပါတယ်လေ ....ဟိဟိ ။ .........ဆက်ရန် ။