မွေးကတည်းက အူကြောင်ကြား

ဒီနေ့ သစ်သစ်ငယ်ငယ်တုန်းက အကြောင်းလေးတစ်ခုလောက် ပြောပြချင်ပါတယ် ။ သစ်သစ်ကိုမွေးတုန်းက အကြောင်းလေးပေါ့နော် ။ သစ်သစ်ကိုအသက်ကြီးမှ မေမေကကိုယ်ဝန်ရှိတာပါ ။ သစ်သစ်ကို မေမေ့အမေ သစ်အဘွားဝင်စားတယ်လို့လည်း ယုံကြည်ကြပါတယ် ။ အဘွားဆုံးပြီးမကြာဘူး သစ်သစ်ကိုကိုယ်ဝန်ရှိတယ်ပြောကြတာပဲလေ ။ မေမေစိတ်ဆိုးတိုင်းပြောလေ့ရှိတာကတော့ ငါ့အမေကဒီလောက်မ၀ဘူးတဲ့....ဟိ ။ ဒီလိုနဲ့သစ်သစ်လူ့လောကကို ရောက်ဖို့ဖြစ်လာတယ် ဆိုပါစို့ ။

သစ်သစ်ကို ကိုယ်ဝန်စရှိတော့ မေမေကအိပ်မက် မက်ပါတယ် ။ ကောင်းကင်ပေါ်က ဂါဝန်တစ်ထည်ကျလာတယ်လို့ မက်တယ်တဲ့ ။ မေမေက မိန်းကလေးပဲဖြစ်မယ်လို့ အဲဒီကတည်းကထင်ပြီးသားပါတဲ့ ။ နောက်ကိုယ်ဝန်ကပုံမှန်ပါပဲတဲ့ ။ ဒါပေမယ့်ကျန်တဲ့မောင်နှစ်မထက် ထူးခြားတာကတော့ သစ်သစ်ကိုကိုယ်ဝန်စရှိကတည်းက ဖေဖေကရှေ့တန်းမထွက်တော့ပါဘူး နောက်တန်းမှာပဲနေရပါတယ် ။ အရင်မောင်နှမတွေတုန်းကဆို မေမေကိုယ်ဝန်နဲ့လဲ အဖေရှေ့တန်းမှာ မေမေမွေးပြီးလို့ ကလေး လသားအရွယ်ကျမှ ဖေဖေပြန်လာလေ့ရှိပါတယ် ။ တရုတ်ဖြူတွေနဲ့တိုက်ရတယ်လို့လဲ ပြောသံကြားဘူးပါတယ် ရှေ့တန်းမှာနှစ်နဲ့ချီနေရသလို နေ့တိုင်းမေမေဆို စက်သံပဲနားထောင်နေရတာလို့ ပြောပါတယ် ။ ဒါပေမယ့် သစ်သစ်ကို ကိုယ်ဝန်စရှိကတည်းက မွေးသည်အထိ ဖေဖေနောက်တန်းမှာပဲ နေရလို့လားမသိဘူး ဖေဖေကသစ်သစ်ကို အားလုံးထက်အချစ်ပိုပါတယ် ။

အစ်ကို အစ်မများကလည်း အလယ်တန်းအထက်တန်းကျောင်းသူ ကျောင်းသားတွေဖြစ်ပြီဆိုတော့ သူတို့ကလေးသေးသေးလေးအရမ်း လိုချင်ကြတယ်လေ ။ သစ်သစ်ကိုမွေးမဲ့နေ့ကိုပဲ ပြောပြပါဦးမယ် အဖေကမေမေ့ကို တပ်တွင်းသားဖွားခန်းကို ပို့ပြီးအိမ်ပြန်ရေနွေးအိုး တည်နေတယ်တဲ့ ။ အဲ့အချိန်မှာ ဆေးခန်းမှာ လူကြီးသူမအစ်ကိုကြီး အစ်ကိုငယ် မမရယ် ကျန်ခဲ့တာတဲ့ ။ သစ်သစ်မေမေက အသက်၃၆နှစ်ကျော်မှ သစ်သစ်ကိုမွေးတာဆိုတော့ မေမေက၀စပြုနေပါပြီ ။ ကလေးကလည်း ထွားတယ်လို့ဆိုပါတယ် ဟိဟိ ။ မကွေးခရိုင် မိချောင်းရဲကျေးရွာက တပ်တွင်းလေးမှာပေါ့ တစ်ခုသောနေ့တစ်နေ့ ညနေ၅နာရီအချိန်မှာ သေမင်းကိုအံတုလို့ မေမေက သစ်သစ်ကိုမွေးဖွားခဲ့ပါတယ် ။ ကလေးတစ်ကိုယ်လုံးက အဆီတွေနဲ့ဖြစ်နေတော့ ပြားလွန်းလှတဲ့သစ်သစ်နှာခေါင်းမှာ အဆီဖတ်တစ်ခုကတ်နေတာကို ဆေးမှူးကသတိမထားမလိုက်ပါဘူး ။ ရုတ်တရက်ကလေးကို ကြည့်လိုက်ပြီး ဒီကလေးနှာခေါင်းမပါဘူး နောက်နာရီပိုင်းအတွင်း အသက်ဆုံးရှုံးနိုင်တဲ့အတွက် ဗိုလ်မှူးကိုခုချက်ချင်းအကြောင်းကြားပါလို့ ပြောပါတယ် ။ သားဖွားဆရာမကလည်း အခန်းပြင်ထွက်ကြည့်တော့ လူကြီးလူကောင်းတွေတွေ့တယ်ဆိုပါတော့ ။

နောက်အိမ်မြန်မြန်ပြန် ကလေးကအသက်မရှင်နိုင်ဘူး လူကြီးသွားခေါ်ဆိုတော့ သစ်သစ်အစ်ကိုငယ်က အိမ်ကိုပြေးပါတယ် ။ ရေနွေးအိုးတည်နေတဲ့အဖေ့ကို အဖေမြန်မြန်လာ ညီမလေးမှာ နှာခေါင်းမပါဘူး သေတော့မယ် မြန်မြန်လာဆိုတော့ အဖေကလည်း ဟေ..ဆိုပြီး ရဲဘော်မိန်းမတွေကို မှာခဲ့ပြီး သားဖွားခန်းကို ပြေးတယ်လို့ဆိုပါတယ် ။ ဒီအချိန်ဆေးခန်းမှာလည်း ကလေးကိုရေချိုးပေးတော့ ကပ်နေတဲ့အဆီဖတ်ကြီးက ကွာကျလာတယ်တဲ့ နောက် ပိပြားနေတဲ့နှာခေါင်းလေးပေါ်လာတယ် ဆိုပါတော့နော် ။ အဲ့ကတည်းက သစ်သစ်အစ်ကိုတွေက ငယ်ငယ်ကတည်းကနေ ခုထိသစ်သစ်ကို နှာခေါင်းအမြဲဆွဲတယ် ခုထိလည်းဆွဲနေတုန်းပဲ ။ သစ်သစ်ကသူတို့အားကြီးနဲ့ဆွဲတော့ နာတာပေါ့ အဲ့တော့အော် သူတို့ကအော်လေဆွဲလေပဲ ။ ဒီလိုဆွဲခဲ့တဲ့အကျိုးကြောင့် ခုဆိုသစ်သစ်တစ်ယောက် နှာခေါင်းပြားပြီး ရုပ်ဆိုးဆိုးမဖြစ်တော့ပါဘူးလေ ။ ဒီနေ့ ဘာရယ်မဟုတ် အစ်ကိုအကြီးဆုံးကို အရမ်းသတိရနေပြီး မေလမှာကျရောက်မဲ့ ကိုကြီးမွေးနေ့မှာ ဘာလက်ဆောင်ပေးရင် ကောင်းမလဲစဉ်းစားရင်း ငယ်စဉ်ကနှာခေါင်းအဆွဲဆုံး ကိုကြီးအပြုအမူတွေ တွေးမိရင်းဒီပို့စ်ကိုရေးတင်လိုက်တာပါ ။