ဒီနေ့က မိုးလေးညှို့နေပြီး အေးချမ်းတဲ့နေ့လေး တစ်နေ့ပါ ဒါပေမယ့် သစ်မပျော်ဘူးဖြစ်နေတယ် ။ အလုပ်လည်းမလုပ်ချင်ဘူး လူတွေနဲ့မျှတအောင်လည်း မနေချင်ဘူး လူတွေနဲ့အဝေးကို ခဏထွက်သွားချင်နေတာလေ ။ သစ်သစ်မေ့ထားတဲ့ အရိပ်မည်းကြီးက သစ်သစ်ကိုပြန်အစဖော်နေတယ်ဆိုလည်း မမှားပါဘူး ။
တစ်ခါတစ်လေ ဘ၀မှာ မထင်မှတ်တာတွေ ဖြစ်တတ်တယ်လေ ။ ဒီစာကိုရေးနေရင်းကနေ ဟိုးလွန်ခဲ့တဲ့ ၃နှစ်လောက်က ကိုယ့်ဘ၀ကိုပြန်စဉ်းစားမိတယ် ပျော်ရွှင်စရာများနဲ့ ပြည့်နေတယ်လို့ မဆိုနိုင်ပေမယ့် မျှော်လင့်ချက်ရောင်ခြည်တွေနဲ့ စိတ်ကူးတွေလတ်ဆတ်ခဲ့တာတော့ အမှန်ပါပဲ ။ ထင်မှတ်မထားတဲ့အဖြစ်တွေနဲ့ ကိုယ့်ဘ၀ရဲ့ပိတ်ကားထဲက အခန်းတစ်ခုကို ကိုယ်သရုပ်ဆောင်ခဲ့ရတယ် ။ အရင်ဆုံးစပြီး ကိုယ့်အပူတွေကို ရှယ်ယာခွဲခဲ့တာကတော့ ကိုယ့်မိဘတွေပါ ကျနေတဲ့ကိုယ့်ရဲ့စိတ်ဓါတ်တွေကို အတူလိုက်ပါပြီး စီးမြောပေးခဲ့ကြတယ်လေ ။
နေ့တစ်နေ့ရဲ့ ညခင်းလေးမှာ အမောတကြီးနဲ့ အိမ်ကိုပြန်လာတဲ့ သမီးငယ်ကိုချက်ချင်း နှစ်သိမ့်မှုမပေးနိုင်ခဲ့ဘူးလေ....။ မင်သက်ဆွံအစွာနဲ့ ကြည့်ပြီး အိပ်ခန်းလေးဆီပြေးတက်သွားတဲ့ ကိုယ့်ကိုလိုက်ကြည့်နေခဲ့ကြတယ် ။ ကိုယ်တံခါးကို လော့ချပြီးတာနဲ့ ချက်ချင်းတံခါးလာခေါက်တာကတော့ ကိုယ့်အဖေပါပဲ.....ဘ၀တစ်လျှောက်မှာ ကျန်းမာရေးအတွက် ဆေးရုံဆိုတာတောင် မတက်ခဲ့ဘူးတဲ့ အဖေ ကိုယ့်အတွက်နဲ့ ဆရာဝန်ပေါင်းများစွာနဲ့ ဆွေးနွေးခဲ့တယ် ။
ဘာလုပ်သင့်တယ် ဆိုတာထက် သမီးစိတ်ဓါတ်မကျဖို့က သူ့အတွက်ပိုအရေးကြီးခဲ့တယ် ။ ဘယ်သူ့ကိုမှ မတွေ့ပဲအခန်းအောင်းသွားတဲ့ကိုယ့်ကို အမေကအခန်းရှေ့ကုတင်ကနေ မထတမ်းစောင့်နေခဲ့တယ် ။ နင်မစားရင် ငါလည်းထမင်းမစားဘူးဆိုလို့ အခန်းတံခါးဖွင့်ပြီးထွက်လာတဲ့ကိုယ့်ကို အမကထမင်းဝိုင်းနဲ့ ကြိုနေခဲ့တယ် ။ စီးပွားပျက်ပါစေရအောင်ကုမယ်ဆိုတဲ့ အမေ့ရဲ့စကား ဒါမလုပ်ရလို့ ငါ့သမီးဘ၀မတိုးတက်တော့ဘူးလားဆိုတဲ့ အဖေ့ရဲ့ဂရုဏာဒေါသတွေက အိမ်မှာညံစီနေခဲ့တယ်လေ...။
ပထမဆုံးအကြိမ် ဒေါက်တာကိုစိုးရိမ်တကြီးလိုက်တွေ့ကြတဲ့ အဖေ နှင့် အမေ မျက်နှာကို ဘယ်တော့မှမမေ့နိုင်ခဲ့ဘူး ။ ကိန်းဂဏန်း ၁၀ကျော်တဲ့ ၃လစာ ဆေးဖိုးတွေကို နှမြောချင်းမရှိ ကောင်တာမှာရှင်းနေကြတာ ကိုယ့်ဘ၀မှာအကြွေးတွေ တင်သလိုခံစားခဲ့ရတယ် ။ ၃လကြာလို့ပြန်စစ်တော့လည်း ဘာမှထူးခြားမလာတဲ့ ကိုယ့်ရောဂါကို စိတ်ဓါတ်မကျပဲ ကိန်းဂဏန်းများထပ်ပေးပြီး ထပ်ကုနေကြတဲ့မြင်ကွင်းက ကိုယ့်နှလုံးသားထဲမှာ တဖျတ်ဖျတ်ရိုက်ခဲ့တဲ့ သမိုင်းဝင်ပုံရိပ်တွေပါပဲ....။
မထူးခြားတော့တဲ့ ကိုယ့်အခြေအနေကို လုပ်ချင်ရာလုပ်တော့ဆိုပြီး စမ်းသပ်ခုံတွေမှာ ကိုယ်ထိုင်ပေးခဲ့တယ် ။ ငယ်ငယ်လေးနဲ့ဖြစ်ရလားဆိုတဲ့ ဆရာတွေရဲ့စုတ်သတ်ချက်တွေ အောက်မှာကိုယ်ဟန်ဆောင်ပြုံးနိုင်ခဲ့တယ် ။ အကြိမ်ကြိမ်ဖောက်ခဲ့တဲ့သွေးတွေ စစ်ခဲ့တဲ့စက်တွေ ဆေးရုံရဲ့အနံ့တွေကြားမှာ ကိုယ်၂လလောက်နေသားကျခဲ့တယ် ။
မနှစ်ကကိုယ်ပြန်တော့လည်း စိတ်တိုင်းကျအစစ်ခံပေးခဲ့တယ် ပြောင်းလဲမလာလို့ ကိုယ်ကတောင် မိဘတွေကိုအားနာခဲ့ရတယ် ။ ဘာပဲဖြစ်ဖြစ် ဒီမနက်မှာအဲဒီမှောင်လွန်းသောညများအကြောင်းကို ပြန်စဉ်းစားမိခဲ့တယ် ။ ရထားဘူတာကထွက်တော့ ကိုယ့်စိတ်မထိန်းနိုင်ပဲ အိမ်ကိုဖုန်းဆက်လိုက်တယ် ပြောလိုက်တာကတော့ သမီးကျန်းမာပါတယ်ပေါ့....ဟက်ဟက် ။
ဆက်ဖတ်ချင်သေးရင်...
ပြန်ခေါက်လိုက်နော်...
