စိတ်ကူးထဲက အသစ်များ

Monday, May 3, 2010

Saturday, May 1, 2010

သစ်သစ် ဒီနေ့ရောက်ခဲ့တဲ့ နေရာက ရှူခင်းပုံလေးတွေနဲ့ အရင်ကရောက်တတ်ရာရာ ရိုက်ထားတဲ့ပုံလေးတွေပါ စုဆောင်းသိမ်းထားတဲ့အနေနဲ့ ပို့စ်လုပ်တင်ထားတာပါ ။ တစ်နေရာတည်း တစ်ကြိမ်တည်းကြည့်နိုင်အောင်လေ ။ သေချာတာကတော့ ဒီနေ့သည် မနေ့ကထက်အလွန်ပို ပင်ပန်းနေပါတယ်ကွယ်...း) ။

သစ်ကိုမူးနောက် စေခဲ့သူ

ရန်ကုန်သူလေ ရေမြင်ရင် တဖက်သတ်ကိုပျော်နေတာ

အို..ဘာတဲ့ ကိုရွှေလိပ်

ဆုတောင်းပြည့်တယ်ဆိုလားပဲး)

ရေအရောင်လေးသိပ်သဘောကျမိတယ်

ကျောက်တန်းလေးရဲ့အလှတစ်ခု

ဒီနေ့သွားတဲ့ သက်သေလေ

ကြည့်လေရာ သင်္ဘောတွေ

တစ်ခါကရောက်ခဲ့ဘူးတဲ့နေရာ အမှတ်တရ

လမ်းလေးကိုက ကဗျာဆန်နေသလိုပဲ

မြက်ခင်းစိမ်းစိမ်းလေးမှာ စိတ်ကူးတွေလန်းဆန်းခဲ့တယ်

ထိုင်ခုံလေးက ထိုင်သူမဲ့နေတယ်

ဆက်ဖတ်ချင်သေးရင်...

Thursday, April 29, 2010

ကျောင်းအလွမ်း

ဒီနေ့ ကျောင်းတုန်းကအကြောင်းတစ်ခုလောက် ပြန်ရေးမယ်စဉ်းစားထားပါတယ် ။ သစ်သစ်တို့ ကျောင်းတက်တုန်းကဆို ဆယ်တန်းအောင်လို့သာတက်ရပေမယ့် အုပ်ချုပ်ပုံက အထက်တန်းကျောင်းနဲ့မခြားပါဘူး ။ ကျောင်းကားစီးတယ် ကျောင်းရောက်တယ် တစ်ချိန်ပြီးတစ်ချိန်သင်တယ် စာသင်ချိန်မှာ အတန်းပြင်မှာလူမရှိပုံကတော့ အထက်တန်းကျောင်းအတိုင်းပါပဲလေ ။ နေ့လည်မုန့်စားဆင်းရင် ထမင်းစားတယ်ပေါ့ ။ တက္ကသိုလ်ဆိုတာမျိုးက အဲလိုမှမဟုတ်တာလေ အတန်းမတက်ချင်လည်း အပြင်ထွက်နေလို့ရတယ် ။ ကင်တင်းထိုင်လို့ရတယ် လွတ်လပ်တယ်ဆိုပါတော့ ။

သစ်သစ်တို့က စတက်တော့ အဲ့ကျောင်းကြီးက တကယ့်ကိုကျောင်းအဟောင်းကြီးပါပဲ (ခုလည်းအဟောင်းပါပဲလေ ) ။ ဆိုလိုတာကနောက်မှ စာကြည့်တိုက်တွေ ကွန်ပျူတာခန်းတွေနဲ့ ဖြစ်လာတာကိုပြောချင်တာပါ ။ ပုံဆွဲတဲ့အခန်းဆိုလည်း အဲယားကွန်းမလိုပါဘူး အပင်လေးတွေကရိပ်မိုးထားလို့ သူ့အလိုလိုအေးမြနေတာပါ (ဆရာတွေကတော့ ချွေးဘူးသီးလုံးလောက်ကျပြီး သင်နေတာပေါ့နော် ) ။ ကျောင်းထဲမှာလဲ စိုက်ခင်းလေးတွေရှိတော့ ဘူးသီးတွေဘာတွေဆို ၀ယ်လို့တောင်ရပါတယ် ။ လက်ဆတ်တယ်ဆိုပါတော့လေ ။ အရင်ကကျောင်းအ၀င်ဘက်မှာ ကျောင်းကဆရာတွေကိုပေးထားတဲ့အဆောင် ရှိပါတယ် ။ သစ်သစ်သူငယ်ချင်းက သူတို့ရပ်ကွက်ထဲကဆရာလင်မယားနဲ့သိတော့ အဲ့အိမ်မှာသစ်သစ်တို့အဖွဲ့က စတည်းချနေကြပေါ့ ။ တကယ်တော့နေသာနေရတာ ကျောင်းအုပ်ဆရာမကြီးအိမ်နဲ့က မျက်နှာချင်းဆိုင်လေ ... ဟိဟိ ။ ကျောင်းမတက်ပဲ မုန့်ဖတ်သုတ်စားတယ် မှော်ဘီဈေးကနေ သဘောင်္သီးစိမ်းဝယ် သုတ်စားတယ် အစုံသုတ်စားတယ် တကယ်ကိုပေါက်ပေါက်ရှာရှာစားကြပါတယ် (ကျောင်းမတက်ရပြီးရောလေ) ။

ပျော်သလားတော့ မမေးနဲ့ ခုဆိုအဲ့ဒီအချိန်တွေ ပြန်မရနိုင်တော့ဘူးလေ ။ သစ်သစ်အပျော်ဆုံးနဲ့ သတိအရဆုံးကတော့ ၁၉၉၉ မှာလုပ်တဲ့ မေဂျာပေါင်းစုံဝဲလ်ကမ်းပါပဲ သစ်သစ်တို့ေ၇ှ့မှာဘယ်သူမှမရှိတော့ ကိုယ့်ဘာသာပဲဝဲလ်ကမ်းကြပါတယ် ။ အကျွေးအမွေးတွေ စတိတ်ရှိုးတွေနဲ့ တကယ်ကိုပျော်စရာကောင်းခဲ့ပါတယ် ။ ဘာမှန်းညာမှန်းမသိ တတ်သလောက်မှတ်သလောက်နဲ့ လုပ်ကြ နောက်တော့ရေတွေပက်ကြပေါ့ ။ အော် တောပေမယ့်လည်း ပျော်နေကြတာပဲလေ ဒါတောင် ဆရာ ဆရာမတွေက စည်းကမ်းတင်းကြပ်ထားတာနော် ။ ကျောင်းရှေ့ကရွာကြီးက ဘယ်လိုဆိုတဲ့အတင်းတွေ ကျောင်းရှေ့ကဖြိုးဆိုတဲ့ ယောက်ျားလေးဆောင်မှာ သူငယ်ချင်းတွေဖဲသွားရိုက်တာ ယောက်ျားလေးတွေပေါ့ ခြင်ထောင်ချပြီးဖဲရိုက်ကြတာ ကိုယ်တွေကအပေါက်ကနေဆရာ ဆရာမစောင့်လေ တကယ်တမ်းလည်း ကျောင်းအုပ်ဆရာမကြီးနဲ့ စည်းကမ်းထိန်းသိမ်းရေးလည်းလာရော သစ်သစ်တို့ပါခြင်ထောင်ထဲပြေးဝင် အသက်တောင်မရှုရဲဘူးလေ ။ ဒီလောက်တင်းကြပ်ထားတာတောင် ကလေးတွေကလည်းဆိုးပါတယ် ဥက္ကံကနွားပွဲစားတွေနဲ့ချိန်းပြီးရိုက်ကြပါတယ် ဆွဲကြိုးတွေပါဆုံးတဲ့အထိပါပဲ (သစ်သူငယ်ချင်းတာတေတွေပေါ့ ခုတော့လည်း လှိုင်းစီးလို့သင်္ဘောလိုက်နေကြတယ်လေ) ။

ကျောင်းပတ်ဝန်းကျင်က ဘုန်းကြီးကျောင်းအစုံ မှော်ဘီမြို့ဝင် မြို့ထွက် ဘုန်းကြီးကျောင်းအစုံပါပဲ သွားကြတာ ပန်းတစ်ပွင့်တောင် တောင်ပါသေးတယ် (သိပ်မကဲပါဘူးလေ) ။ သစ်သစ်တို့မိန်းကလေးတွေလည်း မခေပါဘူးလေ မှော်ဘီတစ်ခွင်က ဗေဒင်ဆရာမအစုံပဲ ဘယ်သူမှအလွတ်မပေးဘူး တွက်လိုက်ကြတာလေ (ခုတွေးခုရီချင်တယ်) ။ ဒီနေ့တော့ ကျောင်းကသူငယ်ချင်းတစ်ယောက်နဲ့ လိုင်းပေါ်တွေ့ရင်း ကျောင်းကအကြောင်းတွေ စမြုံ့ပြန်တော့ သစ်သစ်လည်းမှတ်မိတာလေးတွေ ချရေးလိုက်တာပါ ။ နောက်တစ်ခေါက်မှ ရန်ကုန်မြို့ကိုရေဖြန့်ဝေပေးနေတဲ့ ရေလှောင်ကန်သွားတဲ့အကြောင်းထပ်ရေးပါဦးမယ်နော် ။

ဆက်ဖတ်ချင်သေးရင်...

Friday, April 23, 2010

တစ်စွန်းတစ်စ

စာမရေးတာလည်း ကြာပါပြီ ရေးစရာတွေ ရှိပေမယ့် ရေးချင်စိတ်ကို ပျောက်ဆုံးနေခဲ့တာပါ ။ ဘာမှမရှိတာကို လာဖတ်ကြတဲ့သူတွေ ရှိပြန်တော့လည်း ကိုယ့်ကိုယ်ကို တာဝန်မကျေသလို ခံစားမိပြန်တယ် ။ ဒီတပတ် အင်း..ဒီတလလို့ဆိုလည်း မမှားပါဘူး ။ စိတ်ဆင်းရဲ့ခြင်းတွေ အများကြီးရှိသလို အဆင်မပြေခြင်းတွေကလည်း အပြည့်ပေါ့ ။ မုန်တိုင်းပြီးရင် လေပြည်လာမယ် မျှော်လင့်ချက်နဲ့ ရပ်တည်ခဲ့ရတယ် ဆိုပါတော့ ။

မိသားစုကြား ၊ အပေါင်းအသင်းကြား ၊ ချစ်သူကြား ၊ အတူနေအခန်းဖော်တွေကြား အိုးးးးးးးးး စုံနေတာပါပဲ ။ သစ်သစ်ကိုယ်တိုင်ကလေ ပြသနာဆို သိပ်ဖြေရှင်းလေ့မရှိဘူး မဖြစ်အောင်ရှောင်ပြီး ဖြစ်လာရင်လည်း တဖက်ကသူ့အလိုလို နားလည်အောင် စောင့်တတ်တယ် ။ မိဘနဲ့ကျတော့ တော်တော်ဖြေရှင်းရခက်ပါတယ် (ဖြေရှင်းစရာစကားလုံးလည်း ပျောက်ဆုံးနေတယ် ) ။ သစ်သစ်ရယ်လို့ဖြစ်အောင် မွေးဖွားပေးတာ ဒီမိဘတွေဆိုတော့ ကျေးဇူးတွေကဆပ်လို့တောင် မကုန်ပါဘူးလေ ။ မိဘတွေရဲ့ထင်မြင်ချက်က ဗီဒိုအာဏာနဲ့အမြဲတည်တတ်တယ်လေ ပြောလိုက်လို့ အဆင်ပြေမှာထက် မပြောပဲငြိမ်ခံတာက တစ်ခါတစ်လေပိုကောင်းနေတတ်တယ် ။ ခုတော့လည်း သစ်အပေါ်နားလည်စပြုလာပါပြီလေ ။ ဒါကြောင့်မို့ထင်တယ် အမေပြောတာ နိုင်ငံခြားရောက်သွားပြီးမှ သစ်ကလှို့ဝှက်စွာ နေတတ်လာတယ်တဲ့လေ (အမေ့ထင်မြင်ချက်တစ်ခုပေါ့ ) နည်းနည်းဆိုးဆိုးဆိုရင်တော့ သွေးအေးပြီးခေါင်းမာလာတယ်တဲ့လေ ..း) ။

သစ်သစ်အပေါင်းအသင်း ဘယ်လောက်မင်တယ်ဆိုတာ ခင်မင်သူတိုင်း သိပါတယ် ။ ဒီရက်ပိုင်းတစ်ချို့တွေက သစ်သစ်စေတနာအမှားတွေ ဆက်တိုက်လုပ်မိပါတယ် ။ ထင်မြင်ယူဆချက်တွေလွဲလို့ ဘယ်သူ့ကိုမှတွေ့ချင်စိတ်မရှိလောက်အောင်ပါပဲလေ ။ မဖြစ်နိုင်တာထက် မဖြစ်သင့်ဘူးစဉ်းစားပြီး အဆင်ပြေသလိုနေပေးခဲ့ပါတယ် ။ ချစ်ခင်ရတဲ့ သူငယ်ချင်းကောင်းတစ်ယောက်ကို လက်လွှတ်ဆုံးရှုံးခဲ့ပါတယ် ။ မျက်ရည်ကျသည်အထိ ၀မ်းနည်းရပါတယ် ။ သူတနေ့နားလည်လာနိုင်ပါစေလို့ ဆုတောင်းနေမိပါတယ် ။

ချစ်သူကတော့ ကိုယ့်ဘက်ကအမှားတစ်ခု အတွက် အရာရာလိုက်လျောသီးခံပြီး ယုံကြည်မှုဆိုတာကို ပြန်လည်တည်ဆောက်နေပါတယ် ။ သိပ်ချစ်တာဆိုတာသူ့ကို သိစေချင်သလို သူ့ရင်ထဲကအလိုလို နားလည်တာလဲ ဖြစ်စေချင်ပါတယ် ။ ဘယ်တော့မှကိုယ်ရှုံးတယ်လို့ မတွက်ပဲ အစဉ်အမြဲနားလည်ပေးနိုင်တဲ့စိတ် ဖြစ်အောင်လည်း ကြိုးစားနေပါတယ် ။ အချိန်ကတော့ သက်သေတစ်ခုဖြစ်လာမှာပေါ့လေ ။

အခန်းလေးကနှစ်ပြည့်တော့ ပြောင်းရတော့မယ်ဆိုပါတော့ ဒီအတွက် ဖြစ်ရိုးဖြစ်စဉ်အတိုင်း အနည်းငယ်ကတောက်ကဆလေးတွေ ရှိတာပေါ့နော် ။ စိတ်အနည်းငယ် အနှောင့်အယှက်ဖြစ်တာကလွဲလို့ အဆင်ပြေပါတယ် ။

အပြင်းထန်ဆုံး ရိုက်ချက်ကတော့ ဒီအပတ်ထဲမှာဖြစ်သွားခဲ့ပါတယ် ။ သွေးပေါင်ချိန် အပေါ်သွေး၁၄၈ ထိ တက်သွားခဲ့တယ် ။ လူတွေကိုဆုံဖို့မဆိုထားနဲ့ နံနက်မိုးလင်းလို့ အိပ်ယာထရင်တောင် အလုပ်ဆိုတဲ့စိတ်ကလေးကြောင့် ကုတင်ပေါ်ကခြေချဖြစ်ပါတယ် ။ စိတ်ထဲမှာတင်းနေပြီး လူကအူတိအူကြောင်တောင် ဖြစ်နေပါတယ် ။ ခံစားချက်တွေပြောချင်ပေမယ့် ပြောခွင့်မရတဲ့ အခြေအနေတစ်ခုကို ရောက်နေခဲ့တယ်လေ ။ ရုံးသွားရာလမ်းတစ်လျှောက်မှာ ကိုယ်နိုင်ရာမြေကြီးကို ဖိနင်းရင်းကိုယ့်ရဲ့အားနည်းချက် အားသာချက်တွေ ပြန်တွေနေတာလည်း အခါခါပါ ။ နောက်ဆုံးတော့ ငါဟာဇီးရိုးလောက်တောင် တန်ဖိုးမရှိတဲ့သူတစ်ယောက်ဖြစ်တာ ကွင်းကွင်းကွက်ကွက် အဖြေပေါ်လာခဲ့တယ် ဆိုပါတော့ ။

ဒီလိုတွေခံစားနေရလို့ သစ်သစ်မျက်နှာ ပျက်နေမယ် ငိုနေမယ် မှိုင်တွေနေမယ် ထင်ရင်မှားသွားလိမ့်မယ် ။ ကော်ကပ်ထားတဲ့အပြုံးတစ်ခုကို အမြဲပန်ဆင်ရင်း နေ့ရက်တွေကိုဖြတ်သန်းနေတာပါပဲလေ ။ ဖြစ်ချင်တာထက် ဖြစ်သင့်တာကို ဦးစားပေးရမယ်ဆိုတာ သိနေပေမယ့် စိတ်ဓါတ်တွေကတော့ အ၀ီစိကိုရောက်နေတော့တာပါပဲ ။ ချစ်သူကိုခံစားရသမျှ ဖွင့်ပြောပြချင်ပေမယ့် သူကလည်းသူ့အလုပ်သူ့အပူနဲ့ပဲ ကိုယ်ပြောပြနေတာထက် သူပြောတာတွေနားထောင်ပေးတာက သူလည်းစိတ်ချမ်းသာ ကိုယ်လည်းစိတ်ချမ်းသာပါတယ် ။ တစ်နေ့တာရဲ့ခဏတာ စကားပြောချိန်မှာ သာယာနေတော့ကောင်းတာပေါ့နော် ။ မဟုတ်ရင် ရှော့ခ်ရှိတာပေါ့..... ဟုတ်တယ်ဟုတ် ။

ဆက်ဖတ်ချင်သေးရင်...

Saturday, April 17, 2010

ဒီရေဒီမြေသို့ တစ်ခေါက်-၇

၂၃.၀၂.၂၀၁၀ ညနေ ၃နာရီတိတိမှာ သစ်သစ်တစ်ယောက် အစ်မနဲ့တောင်ကြီးမြေမှ ပြန်လည်ထွက်ခွာခဲ့တယ်ဆိုပါတော့ ။ လမ်းခရီးမှာကတော့ ပုံမှန်ပါပဲ ဒါပေမယ့် ရန်ကုန်အောင်မင်္ဂလာအဝေးပြေးဝင်းကို မနက်၃နာရီရောက်တဲ့အချိန်မှာ ပြသနာကစပါတော့တယ် ။ သစ်သစ်အမက သစ်သစ်နဲ့အတူဖြစ်နေတော့ သစ်သစ်တို့ကိုဘယ်သူမှလာမကြိုနိုင်ဘူးလေ ။ အဲဒီမှာစတွေ့ပါပြီ တက်စီဆရာတွေနဲ့ ....။

အဝေးပြေးကားပေါ်ကဆင်းတာနဲ့ကို အမဲဖြတ်သလိုစောင့်နေတဲ့ တက်စီဆရာတွေက ကားထွက်ပေါက်မှာပိတ်နေတော့ ကားဆရာကတောင် အော်ယူရပါတယ် ။ လွန်ခဲ့တဲ့ သစ်သစ်ဘားအံကပြန်လာတော့ တက်ဆီဆိုတာ တစ်ယောက်တည်းငှားရင် ၂၅၀၀ နဲ့ ၃၀၀၀ကြားပေးရင် တယောက်တည်း အေးဆေးစွာငှားစီးလို့ရပါတယ် ။ ခေတ်တွေပဲပြောင်းသွားသလားတော့ မသိပါဘူး စိတ်အရမ်းတိုစရာကောင်းပါတယ် အောင်မင်္ဂလာဝင်းနဲ့သစ်သစ်နေတဲ့အိမ်က လုံးဝကိုမဝေးပါဘူး ။ အဲဒါကိုစင်းလုံးငှားတာ ၈၀၀၀ထောင်တောင်းပါတယ် ။ ဘယ်လောက်ဒေါသထွက်စရာကောင်းပါသလဲ လူကဟမ်ခနဲကိုဖြစ်သွားပါတယ် ။ အခြားသူတွေကို ကြည့်လိုက်တော့လဲ တစ်ယောက်တည်းဘယ်သူမှမငှားကြပဲ စုပေါင်းတက်စီတွေပေါ်မှာပဲ ရောက်နေကြပါတယ် ။ တစ်ယောက် ၃၀၀၀ထောင်ဆိုတာ စုပေါင်းတက်စီဈေးကို ဖြစ်နေပါတယ် ။ သစ်သစ်အမက အိမ်ကိုဖုန်းဆက်မယ်တဲ့ လာကြိုခိုင်းမယ်တဲ့ သစ်သစ်လက်မခံပဲ တက်စီပဲစီးပြန်မယ်ဆိုတော့ တယောက်ကို ၂၅၀၀နဲ့ စုပေါင်းတက်စီပေါ်ရောက်သွားပြီ ဆိုပါတော့ ။ အမတဲ့နောက် ၁၀မိနစ်ပဲစောင့်ပါတဲ့ လူမရလဲထွက်ပေးမယ်တဲ့လေ အိုကေပေါ့ ကိုယ့်ပစ္စည်းတွေကို ကားနောက်ဖုန်းမှာထည့်ပြီး သော့ခတ်သွားပါတယ် ။ ၁၅မိနစ်လည်းပြန်မလာပါဘူး အိုကေလေ သစ်သစ်ကတက်စီဂိတ်ကိုသွားပါတယ် ကားနံပတ်ဒီလောက်ရဲ့ ကားသမားဘယ်မှာလဲလို့ ကျွန်မမစီးတော့ဘူး အိတ်တွေပြန်လိုချင်တယ်ဆိုတော့ ဂိတ်မှူးကအဲ့လူကိုရှာပေးပါတယ် ။ အဲ့လူကနောက်ဝင်လာတဲ့အဝေးပြေးကားတွေမှာ လူလိုက်ခေါ်နေတာပေါ့နော် သစ်သစ်တို့ကိုလည်းမြင်ရော အခုပဲလူရပါပြီ အခုပဲထွက်ပါတော့မယ်ဆိုပြီး ဘုရင့်နောင်တစ်ယောက် အင်းစိန်က သစ်သစ်တို့ ညီအမ၂ယောက် နောက် စုံတွဲက စော်ဘွားကြီးကုန်းလေ စုစုပေါင်း၅ယောက်တင်တာနော် နောက်ဖုန်းဖွင့်ပြီးတော့ကို ပစ္စည်းတင်တာနော် သစ်သစ်ကတော့ တစ်လမ်းလုံးရစ်တော့တာပေါ့ ဒီလိုနဲ့ ၂၄ရက်နေ့မနက်ကတော့ မလှပခဲ့ပါဘူး ။ အောင်မင်္ဂလာအဝေးပြေးက တက်စီသမားတွေကတော့ အရမ်းကိုဆိုးရွားလွန်းတာ ကိုယ်တိုင်ကိုယ်ကျ ကြုံတွေ့ခဲ့ရပါတယ် ။

အိမ်ရောက်တော့လည်း မီးကမလာ ဘာမှကိုမမြင်ရပါဘူး အစောကြီးပတ်ဝန်းကျင်ကိုအားနာတော့ မီးစက်နှိုးဖို့ကလည်း အဆင်မပြေဘူးလေ ။ စိတ်ကတိုနေတာဆိုတာကတော့ မိုးလင်းတဲ့အထိပါပဲလေ ။ နေ့လည်ကျတော့ ဘားအံကအစ်ကိုကဖုန်းဆက်ပါတယ် နေ့ကားနဲ့ကလေးတွေစာမေးပွဲပြီးလို့ ရန်ကုန်ဆင်းလာပြီတဲ့လေ ဒါနဲ့ညနေဘက် အောင်မင်္ဂလာအဝေးပြေးကို ထပ်ချီတက်ရပြန်တယ် ။ ဒီတူ ၊ တူမတွေက သစ်သစ်ရဲ့အသက်ပဲလေ တွေ့တာနဲ့အလွမ်းသယ်ကြတာ ညဘက်ရောက်တဲ့အထိပါပဲ ။ ညရောက်တော့ ငယ်စဉ်ကသူငယ်ချင်းက အိမ်မှာလာတွေ့တော့ သစ်သစ်တစ်ယောက်လမ်းထိပ်ကိုထွက်ဖြစ်ခဲ့တယ်လေ ။ ပြောင်းလဲနေတဲ့ကိုယ့်ရပ်ကွက်ကို အဲဒီတော့မှသေချာကြည့်ဖြစ်တယ် သစ်သစ်ရပ်ကွက်ထဲမှာ အပြင်သိပ်မထွက်ဖြစ်ဘူးလေ ။ ပြန်လာတော့လဲ ကလေးတွေနဲ့ရယ်မောရင်းတရက်ကလျင်မြန်စွာ ကုန်သွားပြန်တယ်လေ ။

၂၅ရက်နေ့ ရောက်တော့ သစ်သစ်အလုပ်ရှုပ်ပါတယ် ။ မနက်၁၀နာရီမှာ တွေ့ဖို့နောက်ဆုံးကျန်နေတဲ့ အန်တီတစ်ယောက်ကိုသွားတွေ့ရပါတယ် ။ သစ်သစ်အပြင်ထွက်ရင် ကိုးမိုင်ကဆရာ့အိမ်ကနေထွက်လေ့ရှိသလို တစ်နေရာကနေတစ်နေရာသွားလို့ အချိန်ဟနေလဲဆရာ့အိမ်ပဲဝင်တာလေ ။ ဘာလို့လဲဆိုတော့ ဆရာ့အိမ်ရယ်လို့ ကိုယ့်စိတ်ထဲမရှိဘူး ကိုယ့်အိမ်လိုပဲလေ ပြီးတော့ဆရာကဘယ်သွားသွားလိုက်ပို့ဆို ပို့တယ်လေ ။ အဲဒီအန်တီနဲ့၈မိုင်က ရွှေဘဲမှာ နေ့လည်စာစားပြီးတော့ ကိုးမိုင်စီးတီးမတ်မှာ ပြန်ဖို့လက်ဆောင်ပစ္စည်း သယ်စရာလေးတွေပြန်ဝယ်တယ်ဆိုပါတော့ ဒီလိုနဲ့ ၃နာရီလောက်မှာ အိမ်ပြန်ပြေးရပြန်တယ်လေ ။ ဆရာက ဒီည သစ်သစ်တို့သူငယ်ချင်း၂ယောက်ကို အော်ရီရယ်တယ်ဟောက်စ်မှာ ညစာကျွေးဖို့အစောကြီးကတည်းက ပြောထားတာကိုး ..။

ဒါတောင်သူငယ်ချင်းနဲ့လှည်းတန်းကို သွားလိုက်တာ ည၈နာရီလောက်မှ ဆရာ့ဆီကိုရောက်တယ်လေ ။ ဆရာဦးညီလှငယ်ထုတ်ထားတဲ့စာအုပ်ကို ဆရာ့ကိုဝယ်ခိုင်းထားတာ ချစ်ဆရာကအဆင်သင့်ဝယ်ထားတာ ၂ယောက်လုံးအတွက်ပေါ့ ။ တစ်အုပ်ကို ၂သောင်းကျော်ဆိုတော့ ဆရာကိုပြန်ပေးတာ လုံးဝမယူပါဘူး (ဆရာကအဲဒါတွေချစ်ဖို့ကောင်းတာ ... ဟိ ) နောက်ဆရာ့ကားနဲ့ မြို့မကျောင်းလမ်းချီတက်ကြတယ် ဆိုပါတော့ ။ ဆရာကားမောင်းတာကို သစ်သစ်တို့၂ယောက် နောက်ကနေအမျိုးမျိုးပြောဆို နှောင့်ယှက်နေတာလေ ပျော်စရာလည်းကောင်းသလို ရန်ကုန်မှာဆရာနဲ့အတူ အလုပ်လုပ်ခဲ့တာတွေပြန်သတိရစေပါတယ် ။ နောက်ဆရာက ရန်ကုန်ရဲ့လက်ရှိအခြေအနေလေးတွေ သစ်သစ်တို့ကို စလုံးကပြန်လာရင် ဘယ်ဟာကဘယ်လိုလုပ်ဖို့ ဆုံးမစကားပြောလိုက် ပြောင်လိုက်နောက်လိုက် ဆရာကတော့တကယ့်သူငယ်ချင်းလိုပါပဲလေ ။ ဆရာကလည်းပြောတယ် ခင်ဗျားတို့ပြန်လာမှပဲ ဒီလိုရီမောမိတော့တယ်တဲ့လေ မကြာမကြာပြန်လာဖို့လည်း ပြောပါတယ် ။ တစ်ကိုယ်တည်းဆိုတော့လဲ ဘယ်လောက်ပဲပိုက်ဆံရနေပါစေ ဆရာငြီးငွေ့တာမဆန်းပါဘူးလေ ။ သစ်သစ်တို့လိုချုပ်ထိန်းစရာမလို ပြောချင်သလိုပြောတဲ့ တပည့်မျိုးကလည်းရှားတယ်လေ ။

ဆရာက သစ်သစ်တို့စိတ်တိုင်းကျမှာစေတယ်လေ ။ စားလို့လည်းကောင်း စကားလည်းကောင်းနဲ့ပဲ ည၁၀နာရီထိုးပါတယ် ။ သစ်သစ်သူငယ်ချင်းမောင်လေးက ကိုးမိုင်မှာထိုင်စောင့်နေတာ အားနာစရာတကယ်ကောင်းပါတယ် ။ ကလေးကခေါ်လည်းမလိုက်ပါဘူးလေ ဆရာကသစ်သစ်တို့ကိုကားနားလိုက်ပို့ပြီးတော့ မပြန်စေချင်ပဲစကားထိုင်ပြောချင်ပါတယ်လေ သူ့တပည့်တွေကမရတော့ဘူး တော်တော်ကိုပင်ပန်းနေကြပြီလေ ။ ဒီလိုနဲ့ပဲ ၂၅ရက်နေ့တစ်ရက်လည်း ကုန်ဆုံးသွားခဲ့ပါပြီ ။ ဒီလိုနဲ့ပြန်ရမယ့်ရက်က တစ်စထက်တစ်စနီးကပ်လို့ လာခဲ့ပါတယ် ။ အပိုင်း ၈ မှာ သစ်သစ်အဆုံးသတ်ဖို့ စဉ်းစားထားပါတယ် ။ အားလုံးပဲမင်္ဂလာရှိသော နှစ်သစ်ကူးလေးဖြစ်ပါစေရှင်.... ။

ဆရာနဲ့စားခဲ့တဲ့ လွမ်းမောစရာ ရှလွတ်တွေပါ

အချိုပွဲတဲ့ အစကတော့ကျောက်ကျောလို့ထင်တာ မဟုတ်ပါဘူး ခါးသက်သက်လေးပါ အရသာက

သစ်သစ်အကြိုက်ဆုံး ငါးသံပရာပေါင်းလေ

တုံယမ်းဟင်းချို ချဉ်စပ်လေး

အဲလောက်ပဲ သစ်သစ်စားတာပါနော်

ကြက်ချိုချဉ် ပြည်ကြီးငါးသုတ် နဲ့ မုန်ညင်းကြော်

ဆက်ဖတ်ချင်သေးရင်...

Thursday, April 15, 2010

ဆုံချင်ပါတယ်

သစ်သစ်တို့ ဒီအပတ်တနင်္ဂနွေမှာ ကျောင်းတုန်းက သူငယ်ချင်းတွေပြန်လည်ဆုံတွေ့ဖို့ အစီအစဉ်လေးရှိပါတယ် ။ ဘုန်းကြီးကျောင်းမှာ အာရုဏ်ဆွမ်းကပ်ပြီး သူငယ်ချင်းအားလုံးဆုံတွေ့ကြမယ်လို့ စီစဉ်ထားပါတယ် ။ ဒီနေ့လေးမှာ အစီအစဉ်လေး ဖြစ်ဖြစ်မြောက်မြောက် အောင်မြင်ဖို့အတွက် သူငယ်ချင်းများ စုပေါင်းဆောင်ရွက်နေကြပါတယ် ။ တွေ့ဆုံချင်တာကတော့ သူငယ်ချင်းအားလုံးဆိုပေမယ့် ကိုယ့်နိုင်ငံမဟုတ်လေတော့ ဒီကိုရောက်နေတဲ့ သူငယ်ချင်းအနည်းစုပဲ တွေ့ဖို့ကြိုးစားရတော့မယ်လေ ။ ဒါ့အပြင် သစ်သစ်တို့ကမှော်ဘီကျောင်းရဲ့ ပထမဆုံးအသုတ်ဆိုတော့ အငယ်တန်းကမောင်ငယ် ညီမငယ်လေးများကို လက်လှမ်းမှီသလောက် ခေါ်ထားပါတယ် ။ မေဂျာပေါင်းစုံကိုလည်း စုစည်းစေချင်ပါတယ် ။ မှော်ဘီကျောင်းကဆိုတာနဲ့ အကြီးအငယ်ဘယ်မေဂျာမဆို လာခဲ့ဖို့ဖိတ်ခေါ်ချင်ပါတယ် ။ ဒီလိုတွေ့ဆုံပွဲမှသည် တက်ခဲ့တဲ့မှော်ဘီကျောင်းကို ဘယ်လိုစုပေါင်းပြန်လည်အကျိုးပြုနိုင်မလဲဆိုတဲ့ အတွေးလေးနဲ့အသင်းတစ်ခုလုပ်မယ်ဆိုတဲ့ ရည်ရွယ်ချက်လေးလည်း ပါဝင်ပါတယ် ။ အားလုံးပူးပေါင်းပါဝင်မယ်လို့ မျှော်လင့်မိပါတယ် ။ ကဲ အားလုံးပဲဆုံကြမယ်နော်.....

နေရာ
စမ်ဘာဝမ်း ဘုန်းတော်ကြီးကျောင်း
No.2, JALAN KERAYONG, SEMBAWANG STRAITS EASTATE,
SINGAPORE 759300
(စမ်ဘာဝမ်း အင်တာချိန်းမှ ၈၈၂ စီးပါ။)

အစီအစဉ်
ဆွမ်းကပ်တရားနာ - မနက် ၆း၀၀ မှ ၈း၀၀
စားကြသောက်ကြတွေ့ဆုံကြ - မနက် ၉း၃၀ အထိ

ဆက်သွယ်ရန်
ညီညီ ( ၈၁၆၁ ၆၁၃၉ )
အောင်ကျော်မင်း ( ၉၃၉၅ ၂၂၁၄ )
ငြိမ်းချမ်းထက် ( ၈၂၀၀ ၈၆၈၁ )
ခင်သန္တာ( ၉၇၅၉ ၄၅၄၇ )
နန္ဒာ ( ၉၀၆၀ ၆၃၀၅ )
စုစန္ဒာမြင့် ( ၈၂၀၄ ၆၁၁၅ )
မြတ်ဆု ( ၉၄၂၃ ၂၅၉၀ )

သူငယ်ချင်းတွေအားလုံး ဆုံကြမယ်နော်....။ အထက်ကကြိုက်ရာ ဖုန်းနံပတ်ကိုဆက်ပြီး တက်ရောက်မယ့်သူတွေ အကြောင်းကြားစေချင်ပါတယ် ။ အားလုံးကိုကျေးဇူးတင်ပါတယ် ။

ဆက်ဖတ်ချင်သေးရင်...

Sunday, April 11, 2010

တောင်ကြီးခရီးစဉ်

ဒီလိုနဲ့သစ်သစ် ၂၂.၂.၂၀၁၀ နေ့ ညနေ ၄နာရီခွဲလောက်မှာ အရင်ကအရမ်းကိုရောက်ဖူးချင်ခဲ့တဲ့ တောင်ကြီးမြို့ပေါ်သို့ ခြေချမိခဲ့ပါတယ် ။ နေရောင်လေးကလည်း ရှိတော့ ရွှေဘုန်းပွင့်ဘုရားကို အရင်ဆုံးသွားဖူးဖြစ်ပါတယ် ။ တောင်ပေါ်သို့တက်ရင်း ဟိုးတောင်ထိပ်ဆီက ရွှေဘုန်းပွင့်ဘုရားကို ရောက်ချိန်မှာ မြင်လိုက်ရတဲ့ တောင်ကြီးမြို့ပေါ်အပေါ်စီးရှုခင်းက တော်တော်ကိုရင်သပ်ရှုမောဖွယ် ကောင်းလှပါတယ် ။ ကြာရှည်နေချင်ပေမယ့် အချိန်မရှိတော့ နောက်ဘုရားတစ်ဆူသို့ ရှေ့ဆက်ခဲ့ရတယ် ။

နောက်ဘုရားတစ်ဆူက စူဠာမုနိဘုရားပါ လိုဏ်ခေါင်းထဲမှာ ရပ်တော်မူဘုရားများစွာ ရှိတာကိုတော့မှတ်မိနေပါတယ် ။ နောက်ဘုရားနံရံတွေမှာ သစ်သစ်တစ်ခါမှမဖူးမြော်ဘူးတဲ့ ဘုရားအဆူပေါင်းများစွာကို သေချာစွာဖူးဖြစ်ခဲ့တာတော့ မှတ်မိပါသေးတယ် ။ အဲ့ဒီဘုရားကထွက်တော့ သစ်သစ်ကတော်တော်ကိုပြိုင်းနေပါပြီ ။ တောင်ကြီးမြို့မှာ သစ်သစ်တည်းခိုရန် ရန်ကုန်ကသစ်သစ်အချစ်ဆုံး သူငယ်ချင်းတစ်ယောက်က သူ့အိမ်မှာတည်းခိုရန်စီစဉ်ပေးထားတယ်လေ ။ သူ့အဖေက တောင်ကြီးခရိုင်မှာ အကြီးဆုံးရာထူးနဲ့တာဝန်ထမ်းဆောင်နေတဲ့ လူကြီးတစ်ဦးဆိုတော့ သစ်သစ်တို့မရောက်သေးလို့ စိတ်တွေပူနေတယ်လေ ။ သစ်သစ်ကိုတောင်ကြီးအရင်လာပြီးမှ အင်းလေးသွားလည်မယ်ထင်ထားခဲ့တာလေ ။ ရန်ကုန်ကသူငယ်ချင်းကလည်း မရောက်တော့ ဖုန်းတွေအကြိမ်ကြိမ်ဆက်လို့ပေါ့နော် ။

ယဉ်ကျေးမှုပြတိုက်နောက်က သူတို့အိမ်ရောက်ချိန်မှာ သစ်သစ်ကပစ်လှဲချင်လောက်အောင် ဖြစ်နေပြီလေ ။ ကားရပ်တာနဲ့အိတ်တွေတောင်မချနိုင်ဘူး ကြိုဆိုနေတဲ့အိမ်စောင့်ရဲဘော်လေးကို ပြောပြပြီးသူတို့ကလည်း အိမ်ကိုတံခါးတွေဖွင့်ပေးပါတယ် ။ အန်ကယ်ကဖုန်းဆက်ထားတော့ သူတို့ကမနက်ကတည်းက သစ်သစ်တို့မျှော်နေတာလို့ ဆိုပါတယ် ။ အခန်းပေါင်းများစွာရှိတဲ့အိမ်ကြီးတစ်လုံးမှာ သစ်သစ်တို့ညီအမ၂ယောက်ပဲ နေရမယ်တဲ့လေ ။ မှန်တာပြောရရင် ဒီလိုမီးခိုးခေါင်းတိုင်နဲ့အိမ်မျိုးက သစ်သစ်ရုပ်ရှင်ထဲမှာပဲမြင်ဘူးတာပါ ။ တစ်အိမ်လုံးမှာ ၂ယောက်တည်းဆိုတော့ ကြောက်မိတာမဆန်းပါဘူး နောက်ရဲဘော်လေးက အပြင်ခန်းမှာအိပ်ပေးမယ်ဆိုမှ သတ္တိခဲဖြစ်တဲ့ညီအမ၂ယောက် ဧည့်ခန်းမှာမွေ့ယာတွေပြောင်း စောင်တွေအထပ်ထပ်နဲ့ အိပ်ဖို့ပြင်ဆင်ကြပါတော့တယ် ။ သစ်သစ်တို့စားဖို့ ရဲဘော်မိန်းမလေးက ရှယ်ချက်ထားတာကို ဟန်မဆောင်နိုင်အောင် စားပြီး ရေနွေးနဲ့ရေချိုးပြီး အိပ်လိုက်တာဆိုတာ ည၂နာရီလောက်ကျတော့ သစ်သစ်ပြန်နိုးလာပါတယ် ။ စကားပြောလို့မရတော့ပါဘူး အသံမထွက်တော့ဘူးလေ အရမ်းလည်းအေးပါတယ် ။ ဒါနဲ့ထွန်းရွှေဝါတွေကို လည်ပင်းမှာအထပ်ထပ်လူးပြီး ပုဝါလေးနဲ့စီးပြီး ပြန်အိပ်တာလည်း အဆင်မပြေပါဘူး ။ တနေ့လုံးလေစိမ်းတွေတိုက်လာလို့ ထင်ပါတယ် လည်ပင်းထဲမှာပူနေပြီး နေရတာတစ်မျိုးကြီးဖြစ်နေတာလေ ။ နောက်ဆေးသောက်ပြီးပြန်အိပ်တာ မနက် ၈နာရီရောက်တော့အမက လာနှိုးပါတယ် တောင်ကြီးမြို့တစ်ခွင်ကို လိုက်ပြပေးဖို့ အန်ကယ်ဖုန်းဆက်ကြောင်း ရဲဘော်လေးကလာပြောပါတယ် ။

အရမ်းအေးတော့ရေတောင်မချိုးနိုင်တော့ပါဘူး ခြေလက်ဆေးပြီးချိန်မှာ ကားကအဆင်သင့်အိမ်ရှေ့ရောက်နေပြီလေ ။ ဒါနဲ့သစ်သစ်တို့ကို အရင်ဆုံးဒေါ်နန့်ပန် (နာမည်မှားနိုင်ပါတယ် ) ဆိုင်မှာ ရှမ်းအစားအစာနဲ့ဧည့်ခံပါတယ် ။ ကြက်ခြေထောက်ရေခွံသုတ် ၊ ရှမ်းခေါက်ဆွဲအရည် ၊ တို့ဖူးနွေး ၊ ၀က်သားချဉ် အိုးးးး ရှမ်းစာအစုံပါပဲလေ ။ အရမ်းကိုစားလို့ကောင်းပါတယ် နောက်တောင်ကြီးမြို့ပေါ်က လမ်း၃လမ်းကို ကားနဲ့လိုက်မောင်းပြပြီး တောင်ကြီးတက္ကသိုလ်ရှေ့မှာ ဓါတ်ပုံဆင်းရိုက်နောက်တော့ မီးပုံးပျံလွှတ်တယ်ဆိုတဲ့ကွင်းထဲမှာ ခဏဆင်းနောက်တော့မြို့ကို တစ်ပတ်ပတ်လို့မြန်မြန်ပဲလိုက်ပြခဲ့ပါတယ် ။ ညနေ၃နာရီကားနဲ့ရန်ကုန်ဆင်းမှာဆိုတော့ ခပ်သုတ်သုတ်သွားနေရတယ်လေ ။ အိမ်ပြန်ရောက်တာနဲ့ တောင်ကြီးဈေးကိုချီတက်ကြတယ်လေ ။ ဈေးသွားတဲ့လမ်းပေါ်က ရွှေနှင်းဆီစတိုးမှာ သစ်သစ်ဖိနပ်တွေဝင်ဝယ်တော့ ဒီဇိုင်းမျိုးစုံလှတဲ့ ဖိနပ်များစွာကိုတွေ့ခဲ့ရတယ် ။ တကယ်ကိုဒီဇိုင်းလေးတွေလှပြီး ဈေးနှုန်းကလည်းအရမ်းကိုချိုပါတယ် ။ ၀ယ်သူတွေစိတ်ကျေနပ်အောင် ပြောတတ်လွန်းတော့ ရင်ထဲမှာတကယ်အမှတ်တရရှိခဲ့ပါတယ် ။ နောက်ဈေးထဲရောက်တော့လည်း ရှမ်းစာတွေပဲရွေးဝယ် လက်ဖက်ခြောက်ကတော့ သစ်သစ်အမစိတ်ကြိုက်ကို ၀ယ်တာလေ သူကဈေးဝယ်ဝါသနာပါတယ် ။ သစ်သစ်ကတော့ စတော်ဘယ်ရီသီးတွေကို အကြိုက်ဆုံးပါပဲလေ ။ ဈေးကိုကြည့်လိုက်တာ စတော်ဘယ်ရီနီနီလေးတွေ ရဲနေတာ တော်တော်ကြည့်လို့ကောင်းတယ် ။ ဓါတ်ပုံရိုက်ချင်ပေမယ့် မကြိုက်မှာစိုးလို့ ဖုန်းလေးနဲ့ပဲတစ်ပုံခိုးရိုက်ခဲ့ပါတယ် .... အဟိ ။ အဆုံးထိရေးရင် တော်တော်ရှည်နိုင်လို့ နောက်ပို့စ်တစ်ခုခွဲရေးလိုက်ပါတယ်နော် ။

ရွှေဘုန်းပွင့်ဘုရား