စိတ်ကူးထဲက အသစ်များ: ချစ်တဲ့ဖူးခက်

လေဆိပ်ကနေ ဦးမင်းဒင်ကကြိုလာပြီးတဲ့နောက် ဗိုက်ဆာနေကြပြီလားမေးချိန်မှာ ဟန်မဆောင်နိုင်ပဲ အရမ်းဆာနေပြီဆိုတဲ့အကြောင်း ပြောဖြစ်ခဲ့ပါတယ် ။ ဒါနဲ့ပဲ လမ်းတစ်လျှောက် သိသင့်သိထိုက်တာတွေ ရှင်းပြရင်းနဲ့ စားသောက်ဖို့အဆင်ပြေမယ့်နေရာကို ရှာဖွေရတာလဲ တစ်မှုပါပဲ ။ ည၈နာရီမှာဆိုင်တော်တော်များများပိတ်သွားပြီ ဖြစ်ပါတယ် ဒါနဲ့ပဲ ဖူးခက်မြို့ရဲ့ဈေးပေါပါတယ်ဆိုတဲ့ ကုန်တိုက်လိုတစ်ခုကိုပို့ပေးခဲ့ပါတယ် ။ ညဘက်ဆိုတော့ ကေအက်ဖ်စီ ၊ မက်ဒေါနယ် ရှိတာတွေနဲ့ပဲ ဖြတ်လိုက်တော့ဆိုပြီး လိုက်ပို့ပြီးသကာလမှာ နောက်နေ့ဘရိတ်ဖတ်စ်အတွက်ပါ ၀ယ်ယူရင်းဖူးခက်ရဲ့ ချိုမြိန်လှတဲ့ကေအက်ဖ်စီကို ၇ယောက်သားခေါင်းမဖော်တမ်းစားကြပါတယ် ။ စင်္ကာပူက ကေအက်ဖ်စီနဲ့တကယ့်ကို အရသာကွာခြားလှပါတယ် ။ မကြိုက်ဘူးဆိုတဲ့သူတောင် အတော်လေးစားဖြစ်ခဲ့ပါတယ် ။ ၇ယောက်ကိုလောဘကြီးပြီးမှာလိုက်တာ အတော်လေးပိုနေပါတော့တယ် ။ ဒီလိုနဲ့ဗိုက်ပြည့်တော့ ဟိုတယ်ဆီသို့တိုက်ရိုက်ချီတက်ခဲ့စဉ်မှာ ည ၉နာရီကျော်နေခဲ့ပါပြီ ။

ပထမနေ့ဖူးခက်ဘာလုပ်မလဲ ဘာစားမလဲ ဘယ်တွေသွားမလဲ ပလန်ချတော့ နေ့လည်၁နာရီမှာလာခေါ်မည်ဖြစ်ကြောင်း ညကတည်းကပြောသွားခဲ့ပါတယ် ။ ဘယ်တွေသွားရမလဲမေးတော့ ဒီနားတစ်ဝိုက်မှာ လည်ပတ်စရာရှောပင်းမောလ်တွေ ကမ်းခြေတွေ ဆိုင်တွေနဲ့စည်ကားလွန်းလို့ တမနက်နဲ့တင်လည်ထားနှင့်ပါဦးလို့ ဆိုသွားခဲ့ပါတယ်။ ကဲ ဘာပဲဖြစ်ဖြစ် နက်ဖြန်မနက်စောစောထပါမယ် ဒီနားတစ်ဝိုက်လျှောက်သွားပါမယ်ဆိုတော့ အားလုံးဝီရိယကောင်းစွာနဲ့ ၈နာရီမှာဟိုတယ်ကထွက်နိုင်ခဲ့ပါတယ် ။ ဟန်ပါပါနဲ့ဟိုတယ်ရှေ့ကကောင်တာမှာ ကမ်းခြေသွားတဲ့ရှပ်တာဘတ်စ်တွေ ဘယ်အချိန်လာမလဲဆိုတော့ ၁၀နာရီခွဲလို့ပြောပါတယ် ။ ဒါနဲ့ပဲ နောက်ထပ်၂နာရီခွဲတိတိဘာလုပ်ရမှန်းမသိချိန်မှာ ဧည့်ကြိုကောင်လေးကမြေပုံတစ်ခုထုတ်ပေးပြီး အမတို့လမ်းလျှောက်သွားရင် ၁၀မိနစ်နဲ့ကမ်းခြေရောက်ကြောင်း အရမ်းနီးကြောင်းညွှန်းဆိုလာလို့ အားလုံးကမ်းခြေကိုလမ်းလျှောက်သွားဖို့ ဆုံးဖြတ်ခဲ့ပါတယ် ။

ရောက်ပါပြီအရမ်းပျော် တအားပျော် ပင်လယ်အစစ်တွေ့ရချိန်မှာ ရိုက်လိုက်တဲ့ဓါတ်ပုံများ ကင်မရာလုံးဝအနားမရလိုက်ပါဘူး ။ ကမ်းခြေမှာအုန်းရေသောက်မယ်ဆိုတော့ ထိုင်လိုက်တဲ့ဆိုင်က မြန်မာဆိုင်ဆိုတာမသိပဲ ကိုယ်တွေကမြန်မာလို ဟဲ့ ဈေးနှုန်းကြည့်ကြနော် တော်ကြာမှာပြီးမှ ဈေးမတရားကြီးနေမယ် ဘာညာဆိုတော့ ကောင်လေးတွေကအမတို့လိုတာမှာပါလို့ပြောချိန်မှာ ဟိုက်ခနဲမမြည်အောင် ဟန်ဆောင်လိုက်ရပါတယ် ။ မြန်မာအချင်းချင်းသိတယ်ဟုတ် ချက်ချင်းပဲအဖွဲ့ကျလို့ စားလိုက်သောက်လိုက် ပြောလိုက်ဆိုလိုက်ဖြစ်တဲ့အပြင် သူတို့ဆီကဖုန်းတောင်ငှားပြီး ဦးမင်းဒင်ဆီဖုန်းဆက်လိုက်ပါသေးတယ် ဟိ ။ ဘယ်ဆက်သွားရမလဲမေးတော့ တုတ်တုတ်ကိုငှား ဘတ်၁၀၀ပဲပေး ဂျန်စီလင်းကုန်တိုက်ကိုသွားဆိုတော့ တုတ်တုတ်သမားကို အဖွဲ့ကငွေကိုင် အကောင့်တန့်က ဘတ်၁၀၀ရအောင် အသေအကျေခြေစုံကန် ဈေးစစ်ပါတော့တယ် (ဒါမှမျိုးကွ) ။ ရပြီဆိုတော့ ၀မ်းသာအားရစီးလိုက်ကြတာ ခဏတွင်းချင်းကုန်တိုက်ရှေ့ရောက်သွားခဲ့ပါတယ် ။ ကုန်တိုက်ကမဖွင့်သေးပဲ လူတချို့ထိုင်စောင့်နေတာတွေ့လို့ ကုန်တိုက်ပတ်လည်ဓါတ်ပုံရိုက်ကြပြန်တာပေါ့လေ ။

ကုန်တိုက်ထဲမှာတကယ့်ကို ၀ယ်ချင်စရာတွေများပါတယ် ဒါပေမယ့် ဈေးကတော့ထက်ဝက်လောက်ကို ဆစ်ရပါတယ် ။ ဒူးရင်းသီးနဲ့ပက်သက်တာတွေ အများကြီးတွေ့ရသလို အမွှေးနံ့သာခဲလေးများစွာ ရေကူးဝတ်စုံ မြန်မာမှုလက်ရာအရုပ်လေးများ တကယ့်ကိုအစုံအလင်တွေ့ရပါတယ် ။ မြေအောက်ထပ်သည်ဝယ်လို့အကောင်းဆုံးဆိုတာ သိခဲ့ရပါတယ် ။ ဒီလိုနဲ့နေ့လည်စာကို ဒီမှာပဲစားသွားရန်ဆုံးဖြတ်ကြပြီး ကိုယ်နှစ်သက်ရာစားစရာများကို စတင်မှာစားပါတော့တယ် ။ စလုံးငွေနဲ့တွက်ရင်ဈေးချိုပြီး အစပ်အဟပ်ကလည်းကောင်းတော့ မြန်မာပါးစပ်နဲ့အတော်လေးအံကိုက်ဖြစ်နေပါတော့တယ် ။ ၇ယောက်ကိုအလျှံအပယ်စားတာ တစ်ခါစားဘတ်၁၀၀၀ထက်မပိုပါဘူး ။ ပိုခဲ့ရင်လည်း အကောင့်တန့်က၁ထောင်ကျော်နေပြီဖြစ်ကြောင်း အလန်းပေးပါတယ် ဟိ ။

ဒီကုန်တိုက်ရှေ့က အေတီအမ်မှာ သစ်သစ်တို့အဖွဲ့က ညညက အိုင်ဖုန်း၎တစ်လုံး သူများမေ့ကျန်ခဲ့တာတွေ့ခဲ့ရပါတယ် ။ ဖုန်းထဲမှာပါတဲ့နံပတ်မျိုးစုံကို လိုက်ဆက်ရင်းပိုင်ရှင်ကိုလာယူခိုင်းတဲ့အပြင် အဲဒီဖုန်းနဲ့ဦးမင်းဒင်ကို ဂျန်စီလင်းမှာလာကြိုဖို့ပြောဆို အသုံးပြုခဲ့ပါသေးတယ် ။ ထိုင်းမလေးကဆက်လိုက် နားမလည်လိုက် အင်္ဂလိပ်လိုပြောလိုက် နားမလည်လိုက်နဲ့ လာကြိုတဲ့သူရောက်လာမှပဲ အဆင်ပြေသွားခဲ့ပါတော့တယ် ။

ဒီလိုနဲ့တညနေလုံးဆက်တိုက်ပို့တာများ နေရာတွေများလွန်းလို့ အကျယ်ချဲ့မရေးနိုင်တော့ပဲ ပုံတစ်ချို့တင်ပြီး အကျဉ်းချုပ်လိုက်ပါရစေ ။ နောက်ရက်များမှာလည်း ကျွန်းသွားစရာရှိသလို လူကလည်းဆက်တိုက်ဆိုတော့ အတော်လေးပြိုင်းနေပါပြီ ။ ညဘက်မှာလမ်းကိုပိတ်ပြီး ကပွဲတွေကလပ်တွေနဲ့စည်ကားတဲ့ ဖူးခက်ရဲ့လမ်းထိပ်မှာကျန်ခဲ့ရင် တနေ့လုံးပင်ပမ်းပြီးလမ်းတောင်မလျှောက်နိုင်တော့ပဲ တုတ်တုတ်ငှားပြီးဟိုတယ် ပြန်လာခဲ့ရပါတော့တယ် ။ ဦးမင်းဒင်ကိုယ်တိုင်လိုက်ဝယ်ပေးတဲ့ ဘတ်၈၀၀တန်ကျွန်းလက်မှတ်လေး ရင်ဝယ်ပိုက်ရင်း နက်ဖြန်သွားမယ့်အစီအစဉ်များကို စိတ်ကူးယဉ်ပြီး အိပ်ပျော်သွားလိုက်တာများ အိပ်မက်တောင်မမက်နိုင်ခဲ့ပါဘူးလေ ။ သစ်သစ်တို့ဖူးခက်သွားချိန်မှာ ကံကောင်းတာက နေ့ဘက်မှာခြစ်ခြစ်တောက်ပူပြီး ညဘက်မှာမိုးရွာတတ်တဲ့ ချစ်စရာကောင်းတဲ့ဖူးခက်ရာသီဥတုလေးပါပဲ ။ ဖူးခက်ခရီးစဉ်က ဖူးခက်မရောက်ခင်ကိုပင် ၃ပုဒ်တိတိဖြစ်သွားစေခဲ့တဲ့အတွက် ဒီနေ့ပို့စ်လေးမှာ အဆုံးသတ်မယ် စိတ်ကူးထားပါတယ် ။ ဒါပေမယ့် ၃ရက်လုံးပေါင်းရေးဖို့က ဘယ်လိုမှမဖြစ်နိုင်လို့ နောက်ပို့စ်တစ်ပုဒ်ဖြင့်သာအဆုံးသတ်မယ် ဆုံးဖြတ်ရင်း ဒီပို့စ်လေးကိုဒီနားမှာပဲရပ်တန့်လိုက်ပါရစေနော် ။