သူဘာလုပ်နေလဲ

မေ့မသွားရအောင် ဒိုင်ယာရီသဘောမျိုးလေး ဒီရက်ပိုင်းတွက်ပို့စ်လေးတစ်ပုဒ် ရေးချင်နေပါတယ် ။ အဓိက ကတော့ ဘာတွေလုပ်နေလဲပေါ့ ဘာဆက်လုပ်မှာလဲပေါ့ ဘာတွေခံစားပြီး ဘာတွေပြင်ဆင်ထားလဲပေါ့ ။ တချို့တလေပါ စာရေးဖို့လက်သွေးတယ်လို့ပြောလဲ မမှားပါဘူး ။ ခုတလော ရေးချင်တာတွေရှိပေမယ့် ရေးခွင့်မရှိတဲ့အကြောင်းအရာတွေလည်း ရှိနေပြန်ရော လူ့ပတ်ဝန်းကျင်မှာ ကိုယ့်အရွယ်ကလည်း အချစ်အကြောင်းသောင်းပြောင်းထွေလာသက်သက် ရေးဖို့ရာ လက်ကရွံ့နေပြန်တယ် ။ မရေးတာကြာလို့ဆိုတာထက် ကိုယ်တိုင်ကလည်းခံစားချက်တွေ တတ်နိုင်သလောက်မေ့ဖျောက်ပြီး ပြုမူနေထိုင်တတ်တာလဲပါတာပေါ့ ။ ၃၀ ကျော်ပြီလေ တည်ငြိမ်ရင့်ကျက်တဲ့အရွယ်ရောက်ပြီလို့ ဇွတ်ကိုသတ်မှတ်ဘောင်သွင်းထားတော့ လုပ်ရကိုင်ရတာ စည်းတစ်ခုတားထားသလို ဖြစ်နေတဲ့ခံစားချက်ကြီးပေါ့ ။ ကဲ သစ်သစ်ဘာလုပ်နေလဲ ဖတ်လိုက်ကြစို့...။


အလုပ်အကိုင် =အလုပ်ပြောင်းဖို့ရာ ရှိနေတဲ့အလုပ်လေးကို သံယောဇဉ်တအားတွယ်နေတယ် ။ နှောင်ဖွဲ့ခြင်းတစ်မျိုးပါပဲ ။

စီးပွားရေး = သူများနဲ့တန်းတူအသက်ရှူနိုင်ဖို့ ရုန်းကန်နေဆဲ ကာလတွေပေါ့ ။

ပညာရေး = ကျောင်းနောက်တစ်ခုထပ်တက်ဖို့ စဉ်းစားနေသလို အင်္ဂလိပ်စာနဲ့နောက်ထပ်ဘာသာစကားတစ်ခုခုကို တဖတ်ကမ်းခတ်ကျွမ်းကျင်အောင် ပိုနေတဲ့အချိန်ကိုတန်ဖိုးရှိအောင် အသုံးချရင်း ပညာရေးတွက် အသုံးပြုနိုင်မည့် လုံလောက်တဲ့ငွေကို ရှာဖွေနေတယ် ။

ကျန်းမာရေး = ခုတလော ခါးနာတာပျောက်ကင်းစေမယ့် လေ့ကျင့်ခန်းတစ်ခုကို အင်တာနက်ကရှာတွေ့ထားလို့ စွဲစွဲမြဲမြဲယုံယုံကြည်ကြည် လုပ်နေလို့လားမသိဘူး ခါးသိပ်မနာတော့ ကျန်းမာရေးကဂွတ်နေတဲ့ကာလပေါ့ ဒါပေမယ့် သိပ်လည်းမချီးကျူးရဲပါဘူးလေ ။

ခရီးစဉ် = ဒီလထဲမှာ မလေးရှားသွားဖို့ရှိသလို နောက်လမှာလဲ ထိုင်းကိုသွားဖို့လုပ်ထားပြန်တယ် ။ ဒါပြီးရင် မြန်မာပြည်တစ်ခေါက်ပြန်ဖို့လည်း စဉ်းစားထားပါသေးတယ် ။

အချစ်ရေး =အတတ်နိုင်ဆုံးအားလုံးကို မေ့ထားပြီး ဗလာကျင်းနေတဲ့နှလုံးသားကို လူမမြင်အောင် ကာကွယ်ထားတယ် ။

အပန်းဖြေမှူ =တစ်ပတ်တစ်ခါ ဘယ်သူငယ်ချင်းနဲ့မဆို ရုပ်ရှင်ကြည့်ဖြစ်အောင် လုပ်ထားတယ် (ဒီအချိန်ပဲလွတ်လပ်စွာ အဲယားကွန်းခန်းလေးထဲ တွေးငေးဆွေးလို့ရတာလေ ) ။

တွေးနေမိတာ =ခုတလော အမြဲမပြတ်ကြားနေရတဲ့ ဧရာဝတီအကြောင်းကို အသေးစိတ်လိုက်ဖတ်ပြီး အကောင်းဆုံးနည်းလမ်းရှာဖွေနေမိသလို ဖေ့ဘွတ်မှာသူငယ်ချင်းတစ်ယောက်တင်ထားတဲ့ အနာကြီးရောဂါသည်တွေနေထိုင်ရတဲ့အဆောင်လေးကိုလည်း မျက်စိထဲကမထွက်ဘူးဖြစ်နေတယ် (ကိုယ်ဟာအများအကျိုးအတွက်ဘာတစ်ခုမှ မလုပ်ပေးနိုင်တဲ့ တာဝန်မကျေသူတစ်ဦးဖြစ်နေပြီလားလို့တောင် ထင်နေမိတယ် ) ။

အစားအစာ= နေ့စဉ်ရုံးကို ထမင်းဗူးထည့်ခြင်းဖြင့် ညနေပိုင်းချိန်တွေကို နောက်နေ့တွက်ပြင်ဆင်ချက်ပြုတ်ရင်း ချက်ခြင်းရဲ့အနုပညာကို ဖန်ဆင်းနေမိတယ် ။

အင်တာနက် သုံးစွဲချိန် =ရုံးချိန်မှာ နစ်ဖွင့်ထားခြင်းကလွဲလို့ ညတိုင်းမှာပါစင်နယ်ကေ့စ်တွေကို ရှောင်ရင်း အနည်းဆုံး အင်္ဂလိပ်ဖြစ်ဖြစ် ဗမာဖြစ်ဖြစ်သတင်းတစ်ပုဒ်လောက်တော့ ဖတ်ဖြစ်အောင်လေ့ကျင့်ယူထားတယ် ။

ဘာသာရေး =စိတ်တည်ငြိမ်အေးချမ်းတဲ့ဘ၀လေး ပိုင်ဆိုင်ချင်တဲ့အသိတခုတည်းနဲ့ တရားခွေတွေအိပ်ယာဝင်ခါနီးတိုင်း ဖွင့်တဲ့အလေ့အကျင့်ကိုလုပ်ထားတယ် ။ နောက်ပိုင်းတရားထိုင်နိုင်အောင်လည်း ကြိုးစားပါဦးမယ် ။

ရည်ရွယ်ချက်စိတ်ကူး = ဖေဖေ နဲ့ မေမေ ကိုလုပ်ပေးချင်တဲ့အရာတွေ အကောင်အထည်ဖော်နိုင်မယ့် ရာချီတဲ့စိတ်ကူးတွေ အချိန်တိုင်း သီဖွဲ့နေမိတယ် ။

ဒီလောက်ဆို ဒီတစ်လ နှစ်လအတွင်း သစ်သစ်ပလန်တွေတော်တော်လေး ခြုံငုံမိနိုင်သလို ဘာလုပ်ချင်နေတယ်ဆိုတဲ့ စိတ်ကူးတွေလည်းရေးချခွင့်ရလို့ အတော်အတန်စိတ်သက်သာရာရစေပါတယ် ။ အားလုံးပဲ မင်္ဂလာအပေါင်းနဲ့ခညောင်းပါစေရှင် ။