စနေတစ်ရက်ပေါ့..

နာလိုက်တာ...တကယ်ကို ခါးနာနေပါတယ် ဒီနေ့မနက် ၅နာရီလောက်ကတည်းက ခါးနာလွန်းလို့ ပြန်အိပ်မရခဲ့ပါဘူး ။ ခါးနာတာ နာလိုက်ပျောက်လိုက်ဖြစ်နေတာ ၂လကျော်နေပါပြီ မွေ့ယာကိုဖယ်ပြီး ၁လလောက်လည်းအိပ်ကြည့်ပြီးပြီပါပြီ ဒါပေမယ့်လည်းပြန်နာတာပဲ အဆင်မပြေခဲ့ပါဘူး ။ ခုရက်ပိုင်းတွေ ကျန်းမာရေးဂရုမစိုက် ဆေးတွေမှန်မှန်မသောက်တော့ တခုပြီးတခုပြင်းပြင်းထန်ထန်တွေပြန်ဖြစ်လာပါတယ် ။ မနေ့ကဆိုလည်း အဆစ်တွေပြန်ကိုက်လို့ လေးဘက်နာပြန်ထပါတယ် ကျောင်းမှာစာသင်နေရင်း အေးစက်နေတော့ အတော်လေးခံရဆိုးပါတယ် ။ ကျောင်းကနေအိမ်ပြန်ရောက်တော့ လူကဟန်တောင်မဟန်တော့ပါဘူး တခါတည်းကို အိပ်ယာထဲပစ်လဲတော့တာပါပဲ ။ ဘယ်လိုလုပ်မလဲ ဆေးတွေသောက်လို့ စောင်ခေါင်းမြီးခြုံပြီး အိပ်ရပြီပေါ့ ။ အခန်းဖော် ဘယ်ချိန်ပြန်လာမှန်းတောင် မသိလောက်အောင် အိပ်မောကျခဲ့ပါတယ် ။

သောကြာညတွေကို အတတ်နိုင်ဆုံး အစောဆုံးအိပ်ဖြစ်အောင် ကြိုးစားနေပါတယ် ဘာကိုမှသတိမရချင်တော့ဘူးလေ ။ စနေမနက်ကျတော့ အလုပ်လည်းမသွားရပဲနဲ့ကို ခါးနာပြီးအိပ်ယာမှာလှိမ့်နေအောင်ခံရခက်လှပါတယ် ။ ဆေးလေးသောက် ဆေးလေးလူးပြီး အိပ်ယာထဲမှာ ငြိမ်ငြိမ်လေးနေမိပါတယ် ။ အတတ်နိုင်ဆုံး ကွန်ပျူတာရဲ့ပါဝါခလုပ်ကို မနှိပ်မိအောင် သတိထားနေပါတယ် ။ အင်တာနက်သုံးတဲ့အချိန်ကို လျော့ချဖို့နဲ့ အခြားသောပညာရေးနဲ့ပက်သက်တာလေးကို ဦးစားပေးလုပ်မယ်ဆုံးဖြတ်ထားလို့ ရှောင်နေမိတယ်ဆိုပါတော့ ။ ဒီလိုနေတာပဲ ကောင်းပါတယ် ဘ၀မှာပူလောင်မှူဆိုတာ ယူတတ်ရင်များလွန်းလို့ ရှောင်ဖယ်နေတတ်တဲ့အကျင့်ကို ကျင့်သုံးနေပါတယ် ။ မေမေ နဲ့ ဖေဖေကို နေ့စဉ်မိုးလင်းပြီဆို ဖုန်းဆက်ပါတယ် ။ မိနစ် ၅၀တန်ဖုန်းကတ်လေးပေါ်လာပြီးကတည်းက တခုခုဆိုဖုန်းလေးဆက် မိဘအသံလေးကြားချင်တတ်တဲ့စိတ်လေး ဖြစ်နေမိတယ်လေ ။

ခါးနာနေတော့ ဘာမှချက်မစားတော့ဘူးလို့ နေပေမယ့် အချိန်တွေကုန်လွယ်လွန်းလို့ ခါးနာနေတဲ့စိတ်လေးပါ ပျောက်သွားအောင် ဟင်းတွေစိတ်လိုလက်ရ ချက်ဖြစ်ပါတယ် ။ သူငယ်ချင်းပေးတဲ့ ဒန့်သလွန်သီးကို တခုခုနဲ့ချက်မယ်ဆိုပြီး ဟိုလှန်ဒီလှန်ရှာလိုက်တော့ ခရမ်းချဉ်သီး၂လုံးရယ် ဗူးသီးတစ်စိပ်ရယ် အာလူး၃လုံးရယ် ကံဆိုးစွာသွားတွေ့ပါတယ် ။ နောက်အပေါ်ထပ်မှာကြည့်လိုက်တော့ ကြာသပတေးညက ကြက်သားမွန်ချက်ချက်တော့ကျန်တဲ့ စပါးလင်တစ်ချို့တွေ့သလို ငါးတစ်ဘူးလည်းတွေ့နေတာနဲ့ ငရုတ်သီးလေးထောင်းပြီး စပါးလင်ဆီသတ် ငါးဆီပြန်လေးချက်ဖြစ်ပြန်တယ် ။ အသီးတွေလျှောက်ရောပြီး ချဉ်ဟင်းတစ်အိုးချက်ဖြစ်လိုက်ပါတယ် ။ ဟင်းကချက်နေရင်းအရှိန်တက်တော့ နောက်ထပ်တမျိုးလောက်ချက်မယ် စဉ်းစားနေတုန်း အချိန်ကိုကြည့်လိုက်တော့ နေ့လည် ၁၂လောက်ရှိနေပါပြီ ။ သူငယ်ချင်း ဗစ်စတာနဲ့ ဘူတာမှာ အုန်းနို့ခေါက်ဆွဲလာယူဖို့ ချိန်းထားသလို စီဘောက်မှညီမငယ်တစ်ယောက်ကလည်း ဆူရှီလာပို့မယ်ဆိုတော့ ရေမိုးချိုးပြီး အပြင်ထွက်ဖို့ပြင်ရပါတယ် ။

ဒီလိုနဲ့ ထွက်လာဖို့ သူငယ်ချင်းကဖုန်းဆက်တော့ အိမ်နေရင်းဝတ်စုံနဲ့ပဲ ဘူတာဘက်ကိုလမ်းလျှောက် ထွက်ခဲ့ပါတယ် ။ လူကလှုပ်ရှားနေတော့ အားလုံးမေ့နေပြန်ရော မတွေးမိအောင်လည်း ကြိုးစားနေတာပေါ့ ။ ဘူတာမှာ ဟိုးအရင်အလုပ်က ဦးလေးကြီးတစ်ယောက်နဲ့တွေ့ပြီး အလုပ်အကြောင်းတွေ လုပ်ဖော်ကိုင်ဖက်အဟောင်းတွေ အကြောင်းပြောရင်း ဘယ်လိုဂျူရောင်းအိစ်ရောက်သွားမှန်းတောင် မသိတော့ပါဘူး ။ ဗစ်စတာကတော့ အုန်းနို့ခေါက်ဆွဲတွေသယ်လာပြီး စောင့်နေရှာတယ် ။ ဒီလိုနဲ့ သူငယ်ချင်းပြေမအိမ်မှာ မုန့်ဟင်းခါးချက်တယ် အခြားသူငယ်ချင်းတွေလည်းလာမယ်ဆိုတော့ ဆက်လိုက်သွားဖြစ်လိုက်တာ ညနေ၅နာရီမှ အိမ်ကိုပြန်ရောက်ခဲ့ပါတယ် ။ ကိုယ်သယ်လာတာတွေကို အိမ်ကအစ်မလင်မယားစားနေတာကြည့်ပြီး ဒီပို့စ်လေးကိုဘယ်ရယ်မဟုတ် မှတ်တမ်းလေးအနေနဲ့ ရေးလိုက်မိပါတယ် ။

စပါးလင်လေးဆီသတ်ပြီးချက်ဖြစ်တဲ့ငါးဆီပြန်လေး

မျိုးစုံရောထားတဲ့ ချဉ်ဟင်း (အိမ်ကအမတွေကအရမ်းကောင်းတယ်ပြောကြတယ် ဟိ)

အုန်းနို့ခေါက်ဆွဲအတွက်ပါ

အရမ်းကောင်းတဲ့ဟင်းရည်ပါ (ကျေးဇူး ဗစ်စတာ)

ဆူရှီလေးတွေကို စိတ်လိုလက်ရပုံဖော်မိတယ် (ကျေးဇူးနော် ညီမလေး)

ဟင်းတွေကိုစိတ်လိုလက်ရပြန်ချက်ဖြစ်မယ် ထင်ပါတယ် တီချမ်းရေ... ။ သစ်စာမေးပွဲပြီးတဲ့အခါ အရင်လိုပဲ ဟင်းတွေစုံစီနဖာစဉ်းစားပြီး လက်စွမ်းပြဦးမယ်နော် ။ ပို့စ်တွေမရေးပဲပျောက်နေရင်လည်း သစ်ကိုမမေ့ကြပါနဲ့နော်... အားလုံးကိုကျေးဇူးတင်ပါတယ် ။