ဒုတိယအကြိမ်မြောက် အလှူနေ့လေး

ဒီနေ့လေးဟာ သစ်သစ်တို့ဘလော့မှာသိကြတဲ့ ညီအမတစ်တွေရဲ့ ဒုတိယအကြိမ်မြောက် ဆွမ်းကပ်စုပေါင်းတရားနာ အလှူနေ့လေးဖြစ်ပါတယ် ။ မနှစ်ကလည်း ဒီလလေးမှာပဲ ပထမအကြိမ်မြောက်အလှူလေးကို အောင်မြင်စွာကုသိုလ်ပြုနိုင်ခဲ့ပါတယ် ။ ခုဒီနှစ်မှာလည်း အတူအလှူလုပ်ဖို့ ဧပြီလလောက်ကစပြီး တိုင်ပင်ဖြစ်ပါတယ် ။ ရက်ရွေးတဲ့အခါမှာ မေလပထမပတ်မှာရွေးချယ်ဖို့ကြိုးစားခဲ့ပေမယ့် ကျောင်းထိုင်ဆရာတော်မရှိတဲ့အတွက် ဆရာတော်နိုင်ငံခြားခရီးစဉ်က ပြန်ကြွလာတဲ့အခါမှပဲ ရက်ကိုရွေးချယ်ယူခဲ့ကြပါတယ် ။ မနှစ်ကဆွမ်းကပ်စဉ်ကလည်း ဒီဘုန်းကြီးကျောင်းကိုပဲ ရွေးချယ်ထားသလို ဒီနှစ်မှာလည်း နေရာပြောင်းသွားပေမယ့် ဒီကျောင်းလေးကိုပဲ ရွေးချယ်ဖြစ်ပါတယ် ။

ထုံးစံအတိုင်းပဲ သစ်တို့အဖွဲ့ရဲ့ ပင်တိုင်ဦးဆောင်သူ မျိုးက ဆရာတော်ကိုအလှူနေ့အတွက် တလကြိုလျှောက်ထားခဲ့ပြီ ရန်ကုန်ခဏပြန်သွားခဲ့ပါတယ် ။ ဒီနှစ်မှာတော့ အကြမ်းဖျဉ်းအနေနဲ့ အစားနဲပြီး အလှူရှင်တိုင်းကပ်လေ့ရှိတဲ့ ဟင်းလျာမျိုးကို ချန်ထားပြီး အခြားဖွယ်ဖွယ်ရာရာဖြစ်နိုင်မယ့် ဟင်းအမျိုးအမည်တွေကို စဉ်းစားခဲ့ပါတယ် ။ အစိမ်းကြော်လိုမျိုးမကပ်ပဲ အရွက်သုတ်တစ်မျိုးကို ရွေးချယ်မယ်လို့ ဆုံးဖြတ်သလို ပုစွန်လိုမျိုးဟင်းကိုလည်း ချန်လှပ်ထားခဲ့ပါတယ် ။ သစ်သစ်တို့အဖွဲ့မှာ ချစ်စရာကောင်းတဲ့အချက်ရှိပါတယ် တယောက်ကဒါလုပ်မယ်ဆို ငြင်းဆန်လေ့သိပ်မရှိပဲ အဲ့အစီအစဉ်ဖြစ်မြောက်အောင်ပဲ ၀ိုင်းဝန်းကူညီကြပါတယ် ။

ဒီလိုနဲ့ မေလထဲရောက်တော့ အလှူနေ့နီးကပ်လာချိန်မှာ ဆွမ်းကပ်မယ့်ဟင်းအမယ်တွေကို အပြီးသတ်ရွေးချယ်ခဲ့ပါတယ် ။ မနှစ်က သစ်သစ်တို့ပထမဆုံးအလှူလုပ်တုန်းက အတိုင်းအဆကိုမချိန်တွယ်တတ်တော့ အပိုအလျှံတွေအများကြီးဖြစ်ခဲ့ပါတယ် ။ ဒီအတွေ့အကြုံကိုယူလို့ အတတ်နိုင်ဆုံး အဆင်ပြေအောင် တွက်ချက်ပြီးအောင်မြင်စွာ အလှူပြုနိုင်ခဲ့ပါတယ် ။ နိုင်ငံရပ်ခြားမှာ အလုပ်လုပ်နေတဲ့သူတွေကြီးပဲဖြစ်တဲ့အတွက် အချိန်ပိုလည်းမရှိသလို သဒ္ဒါတရားထက်သန်စွာဖြင့် ကိုယ်ချက်ရမယ့်ဟင်းအမယ်တွေကို အတတ်နိုင်ဆုံးကောင်းသထက်ကောင်းအောင် ကြိုးစားချက်ပြုတ်ပြီး ကပ်နိုင်ခဲ့ပါတယ် ။

ဒီလိုနဲ့ ဟင်းတွေချက်ဖို့ တာဝန်တွေခွဲဝေတဲ့အခါမှာ ထုံးစံအတိုင်းအလှူတိုင်းပါနေကျ ၀က်သားဟင်းချက်ဖို့ သစ်သစ်တာဝန်ကျပါတယ် ။ နောက် ခရမ်းချဉ်သီးငါးပိချက် ရယ် လက်ဖက်ချဉ်ငံစပ်လေးထောင်းပေးဖို့ပါ တာဝန်ကျပါတယ် ။ ဗစ်စတာကတော့ ငါးဖယ်ဆီပြန်ချက်ဖို့ တာဝန်ကျသလို ချယ်ရီကတော့ ငါးခူကြော်နှပ်လေးလုပ်ပေးဖို့ တာဝန်ကျပါတယ် ။ ကြက်သားမရမ်းပြားဟင်း နဲ့ မြင်းခွာရွက်သုတ်ကိုတော့ဖြင့် မျိုးတာဝန်ယူမယ်ဆိုပြီး ခွဲတမ်းချခဲ့ပါတယ် ။ သစ်သစ်တို့မှာ သစ်သစ်ရယ် ၊ ဗစ်စတာ ၊ မျိူး ၊ ချယ်ရီ ၊ မေလေး ၊ နိုမို ၊ ညည ၊ အပြုံးလေး ဆိုပြီး အမာခံ၈ယောက်ရှိပါတယ် ။ ချက်မယ့်သူတွေက ကိုယ့်တာဝန်ကိုယ်ယူကြသလို ဈေးဝယ်နေ့ ဘုန်းကြီးကျောင်းမှာချက်တဲ့နေ့ အခြားလိုအပ်သလို ကူညီဖို့ နိုမို ၊ ညည တို့က တာဝန်ခွဲဝေယူပါတယ် ။ စာမေးပွဲအလွန်နီးနေပြီဖြစ်တဲ့ အပြုံးလေးကလည်း တတ်နိုင်သလောက် လာကူရှာပါတယ် ။ ဒီနှစ်မှာတော့ဖြင့် သစ်သစ်တို့ရဲ့ညီမငယ်လေး ထောပတ်သီးက အဝေးမှာရောက်နေလို့ ပါဝင်မကူညီနိုင်ခဲ့ပါဘူး ။

ဒီအပတ် တနင်္ဂနွေအလှူအတွက် ကြာသပတေးနေ့ကတည်းက လိုအပ်တဲ့အခြောက်အခြမ်းတွေကို သစ်သစ်တာဝန်ယူပြီး ပင်နီဆူလာမှာ ၀ယ်ခဲ့ပါတယ် ။ သောကြာနေ့ကျတော့ ဂိုးဒမ်းမိုင်းလ်မှာ အသီးအရွက်တို့စရာလတ်လတ်ဆတ်ဆတ်တွေ ၀ယ်ခဲ့ပါတယ် ။ မနှစ်ကတော့ ရွှေကြည်ကိုဗန်းနဲ့မှာခဲ့ပါတယ် အများကြီးပိုပြီး ဘယ်သူမှလည်းမစားကြတော့ ဒီနှစ်မှာရွှေပုစွန်ကရွှေကြည်ကိုပဲဗူးနဲ့ဝယ်ခဲ့တာ အတော်လေးအဆင်ပြေခဲ့ပါတယ် ။ ဒီ့အတွက် ကျေးဇူးပါ ဗစ်စတာ ။ ကျောက်ကျောထိုးဖို့ တာဝန်ပေးလိုက်တုန်းကတော့ အုန်းနို့ကျောက်ကျောပဲလို့ ထင်ခဲ့ပါတယ် ။ တကယ်တမ်းအလှူနေ့မှာ ညီမငယ်မေလေးက ဒူးရင်းသီး ၊ စတော်ဘယ်ရီ ၊ ပြောင်းဖူးကျောက်ကျောဆိုပြီး ၃မျိုးတောင်လက်စွမ်းပြခဲ့လို့ ဘုန်းဘုန်းတို့ကို စုံလင်စွာအချိုပွဲကပ်နိုင်ခဲ့ပါတယ် ။ စနေမနက်ကတည်းက သစ်သစ်တစ်ယောက် ဈေးကိုပြေး ၀က်သား၃ကေဂျီဝယ် လိုအပ်တာတွေဝယ်လို့ စနေတနေ့လုံး အလုပ်များခဲ့ပါတယ် ။ ညနေ၆နာရီလောက်ကျတော့ အားလုံးအရံသင့်ပြီးလို့ နောက်နေ့ဆွမ်းကပ်ရန်အဆင်သင့်ဖြစ်နေပါပြီ ။ တာဝန်ယူချက်ကြတဲ့သူအသီးသီးကလည်း ပြီးစီးလို့တယောက်ကိုတယောက်ဖုန်းဆက်ပြီး အသိပေးအကြောင်းကြားကြလို့ နောက်နေ့မနက်ကို တရားအတူနာရန် ကြိုတင်ရင်ခုန်မိကြပါတယ် ။

ဆွမ်းကပ်တဲ့ကျောင်းက ရခိုင်ဘုန်းကြီးကျောင်းဆိုတော့ သစ်သစ်က ရခိုင်အစားအစာလေးနဲနဲထပ်ထည့်ချင်ပါတယ် ။ ဒါကြောင့် အလှူနေ့မနက်မှာပဲ စောစောထပြီး ငါးနီတူသုတ်လေးကို စီစဉ်ဖြစ်ပါတယ် ။ သွားဖို့ရန်အဆင်သင့် မနက်၉နာရီကျတော့ နိုမိုနဲ့အတူတက်ဆီနဲ့ ဘုန်းကြီးကျောင်းကိုသွားတော့ ဟင်းရည်ချဉ်ပေါင်ချက်ရန် စောစီးစွာမေလေးက ကျောင်းကိုရောက်နေပါပြီ ။ လိုအပ်တာတွေပြင်ဆင်ရင်းမနက် ၁၀နာရီခွဲမှာ သစ်တို့အတူ တရားနာနိုင်ခဲ့ပါတယ် ။ တရားနာချိန်မှာ စိတ်လက်ငြိမ်းချမ်းပြီး ကုသိုလ်အတူပြုနိုင်တဲ့ပီတိတွေကြောင့် အားလုံးရဲ့မျက်နှာဟာ အေးချမ်းနေပါတယ် ။ ဆရာတော်က မိန်းကလေးတွေကြီးပဲလားလို့ မေးတော့ အပျိူကြီးအဖွဲ့ဆိုပြီးပြန်ဖြေတာ သဘောကျစရာပါ ။

၁၁ခွဲ ဘုန်းဘုန်းတွေကို ဆွမ်းကပ်ပြီး ဧည့်သည်မဖိတ်ပဲ ဒီလူတွေပဲအတူတူ စားသောက်လို့ အလှူလေးအေးအေးချမ်းချမ်းနဲ့ အထမြောက်ခဲ့ပါတယ် ။ အိုးခွက်သိမ်းဆည်းပြီး အိမ်ပြန်ကြတော့ နေ့လည်၂နာရီရှိပါပြီ ။ ဘာပဲဖြစ်ဖြစ် ဟိုးရှေးဘ၀အတိတ်ကုသိုလ်ကံကြောင့် သစ်တို့ညီအမတွေအတူ ကုသိုလ်ပြုနိုင်ခဲ့တာ ၂နှစ်တိုင်တိုင်ရှိလာပါပြီ ။ ဒီ့အတွက်လည်း ပီတိဖြစ်ရသလို နောင်ဘ၀ဆိုတာများရှိခဲ့ရင်လည်း ကုသိုလ်အတူတူပြုခွင့်ရပါစေလို့ ဆုတောင်းမိပါတယ် ။ အလှူလေးဖြစ်မြောက်အောင် တက်တက်ကြွကြွပါဝင်ခဲ့တဲ့ သူငယ်ချင်းများအားလုံးကိုလည်း သစ်သစ်ကဒီနေရာကနေ ကျေးဇူးအထူးပင်တင်ရှိကြောင်း ပြောပြလိုပါတယ် ။ တစ်ဦးတစ်ယောက်ကိုမှ အမုန်းတရားလက်ကိုင်မထားပဲ သီးခံခွင့်လွှတ်နားလည်ပေးနိုင်စိတ်လေးနဲ့ ရှိနေတဲ့သံသရာမှာ တို့တွေအတူ ဖြတ်သန်းကြပါစို့နော် .. ။

ဘုရားကျောင်းဆောင်လေးပါ

အချိုပွဲကပ်ဖို့ ပြင်ဆင်ထားပုံ

ဆွမ်းကပ်ရန်အဆင်သင့်

ကာလာ၃မျိုးကျောက်ကျော ရှယ်ကောင်း

တို့စရာလေး လတ်လတ်ဆတ်ဆတ်

အအီပြေ ချဉ်ပေါင်ရည်

ရှုးရှဲငါးနီတူလှော်သုတ်

အပျိုကြီးလက်ရာမြင်းခွာပါ

ချစ်စရာငါးဖယ်ဆီပြန်

အလှူတိုင်းမပါမဖြစ် ၀က်သားအနှစ်

ကြက်မရမ်းပြား နာမည်စတား

ငါးပိချက်လေး သက်သေပါ

အားလုံးကြိုက်တဲ့ ငါးခူကြွပ်ကြော်လေး
ဓါတ်ပုံတွေက အပေါ်အောက်စီစဉ်တာမှားနေပါတယ် အရမ်းအိပ်ချင်နေလို့ သီးခံဖတ်ပေးကြပါလို့.... သစ်သစ် ။