Tuesday, November 20, 2012

ကိုယ်နဲ့၂၀၁၂

မွမ်းကြပ်မှူတွေနဲ့နိုင်ငံလို့ အမည်တပ်လိုက်ရင် မှားသွားမလားပဲ ကိုယ်ကပဲပျော်ရွှင်မှူကိုမရှာနိုင်တာလား ရှာလို့ရတာတွေကပဲပျော်စရာမကောင်းတာလား သေချာတာတော့ တစ်နေ့ထက်တစ်နေ့ တလူးလူးတလှိမ့်လှိမ့်နဲ့ လမ်းပျောက်နေသလို ခံစားချက်တွေဖြစ်နေတာက ပိုဆိုးနေမိတယ်။ ဆန့်ကျင်ဖက်အတွေးအခေါ်တွေနဲ့ လူ့ပတ်ဝန်းကျင်ရဲ့အပြင်ဘက်ကို ကိုယ်ရောက်နေပြီလား တွေးမိတာလဲ အခါခါပါ။ ဘာလိုလိုနဲ့ ဒီဇင်ဘာကိုရောက်လာခဲ့ပါပြီ ၂၀၁၂ရဲ့သုံးသပ်ချက်တချို့ကို ပြန်စဉ်းစားရင်တော့ ထွေထွေထူးထူးမရှိပဲ ကမ္ဘာပျက်မယ်ဆိုတဲ့အတွေးတချို့နဲ့ နှစ်ဦးပိုင်းမှာတော့ စိတ်နဲနဲလှုပ်ရှားခဲ့ပါသေးတယ် ။ အဓိကကတော့ ကိုယ့်မိဘနဲ့နေထိုင်ချိန်မရှိတော့မှာ သိပ်စိုးရိမ်ခဲ့တယ်လို့ ပြောရမှာပဲ ၅နှစ်ကျော်အတွင်းမှာ ကိုယ်ကလည်းအဖြစ်မရှိသလို သူတို့ကျေနပ်လောက်စေတဲ့ စွမ်းဆောင်ချက်တွေလည်း မရှိခဲ့ဘူးလို့ထင်တာပဲလေ ။ လူ့သဘောလူ့မနောကို သိလာတာကတော့ စာတောင်ဖွဲ့လို့မပြချင်တော့ပါဘူး ။ တန်ဖိုးမရှိတဲ့စကားတွေကို ပြောချင်စိတ်ကင်းလို့ ဟန်ဆောင်လို့တောင်ပြုံးမပြချင်ဘူးဆိုတာ သစ်သစ်ခုမှလက်တွေ့ခံစားသိရှိနေရပါတယ် ။ ကိုယ့်ရဲ့စေတနာတွေ သဲထဲရေသွန်ဖြစ်တာကြုံခဲ့တာလည်း ၂၀၁၂ပါပဲ ပျော်မယ်ထင်တာတွေ မပျော်ရွှင်တာလည်း ၂၀၁၂ပါပဲ မထင်မှတ်တဲ့ခြေလှမ်းတွေ ရှေ့တိုးခဲ့တာလည်း ၂၀၁၂ပါပဲ သေချာတာကတော့ ကိုယ်ပြန်ချိန်တန်နေပြီ ထင်တာပါပဲလေ။ ကျောဘက်ကိုလှည့်ကြည့်နေမယ့် မှီခိုငဲ့ညှာစရာမရှိသလို ရှေ့ဘက်ကိုလှမ်းကြည့်လို့ တိုးတက်ရိပ်လည်းမရှိတာကတော့ သေချာပါတယ်။ ဘုရားတရားမလုပ်ဘူးလားလို့တော့ လာမမေးပါနဲ့ မိုးလင်းတိုင်းဖွင့်ဖြစ်နေတာ တရားတော်တွေပဲဖြစ်သလို ညအိပ်ရာဝင်ခါနီးတိုင်း အခန်းမီးလေးမှိတ်ပြီး ခပ်တိုးတိုးနာနေခဲ့တာလည်း ဆရာတော်ဘုရားကြီးတွေရဲ့အဆုံးအမ တရားတော်တွေပါပဲ ။ များများနာကြားလေ လူတွေကိုများများစိတ်ကုန်လေလို့ ပြောရင်လွန်မယ်မထင်ပါဘူး ။ အကျိူးထူးကတော့ ထွက်လွယ်လွန်းတဲ့ဒေါသကို အရင်ကထက်အနည်းငယ် ထိန်းချုပ်နိုင်လာခဲ့ပါတယ် ။ မသိသေးတဲ့ဇာတ်နိပတ်တွေ သိလာခဲ့သလို အေးချမ်းစွာနေလိုတဲ့စိတ်တွေ ပိုမိုဖြစ်တည်လာခဲ့ပါတယ် ။ အေးချမ်းစွာဆိုတဲ့စကားမှာလည်း စိတ်အေးချမ်းစွာနေတတ်ဖို့က ပိုအရေးကြီးနေပြန်ပါတယ် ။ ဒီလိုပဲနေထိုင်နိုင်ဖို့ ကြိုးစားရင်း ၂၀၁၂ကိုဖြတ်သန်းခဲ့တယ်ဆိုပါစို့ (ကမ္ဘာပျက်မယ်ဆိုရင် အ၀ီစိကိုတန်းနေတော့ ဘာသာရေးဘက်ကို ကြောက်ကြောက်လန့်လန့်နဲ့ အချိန်ပေးလေ့လာဆည်းပူးရာကနေ ပျော်မွေ့လာတဲ့သဘောပါ) ။ ၂၀၁၂ ဇန်န၀ါရီ ၊ ဖေဖော်ဝါရီတွေမှာ ထူးထူးခြားခြား ဘာမှမလုပ်ကိုင်နိုင်ခဲ့ပေမယ့် မတ်လထဲမှာတော့ တခါမှမလုပ်ဘူးတဲ့အလုပ်တစ်ခု လုပ်ဖြစ်ခဲ့တယ်ဆိုပါတော့ ။ ဒီလိုနဲ့ဧပြီရောက်လို့ အလည်ပြန်ချိန်မှာ မဏ္ဍပ်မှာငုတ်တုတ်ကြီးထိုင်ပြီး မပျော်နိုင်တဲ့သူကို လက်ညှိူးထိုးပြပါဆို သေချာတယ်သစ်သစ်ပဲဖြစ်နေမှာပါပဲ ။ ပျော်ရွှင်မှူကအသက်အရွယ်နဲ့တော့မဆိုင်ဘူးထင်တာပဲ ကိုယ့်အရွယ်တွေ ကိုယ့်ထက်ကြီးတာတွေလည်း ရေစီးကြောင်းထဲပျော်ရွှင်နေကြပေမယ့် ကိုယ်မပျော်နိုင်တာတော့ သေချာပါတယ် တနေ့တာရေပက်ချိန်မြန်မြန်ကုန်ပါစေတော့ ဆုတောင်းနေခဲ့မိတာ အမှတ်တရပါပဲ ။ နောက်နေ့တွေ အမေ့နားမှာပဲစကားတွေပြောရင်း အချိန်တွေကုန်အောင်ဖြတ်သန်းခဲ့မိတာပါပဲ ။ သိသာတာတခုကတော့ မိဘတွေအတွက်အလှူတွေလုပ်ပေးနိုင်တဲ့ခါဆို စိတ်ထဲတော်တော်လေးကြည်နူးပျော်ရွှင်မိခဲ့တယ် ။ ဒီလိုလှူဒါန်းနိုင်ဖို့ ငွေကြေးရှာဖွေရမယ်ဆိုတဲ့ အသိစိတ်ကလည်း ခဏခဏပြန်ဝင်လာတတ်ပါတယ် ။ မေလမှာပြန်လာတော့လည်း ငြီးငွေ့လာတဲ့ဘ၀ရဲ့အချိန်တွေကို ဖြတ်သန်းရင်းပြန်မယ်ဆုံးဖြတ်ထားတဲ့ရက်ကို လက်ချိူးလို့ရေတွက်နေမိခဲ့တယ် ။ ဇွန် ၊ ဇူလိုင် ဆိုတာ ဘယ်လိုကုန်ဆုံးခဲ့မှန်းတောင် မသိလိုက်ခင်မှာ ရုတ်တရက်ကြီးရန်ကုန်ပြန်ဖို့ ဖြစ်လာခဲ့ပြန်တယ် ။ ဒီလိုနဲ့ပဲ ပလန်တွေလည်းပျက် စိတ်လှုပ်ရှားစရာလည်းသိပ်မကောင်းတော့တဲ့ ၂၀၁၂ကြီးက အဆုံးသတ်ဖို့အချိန်ကျလာခဲ့ပါပြီ ။ ကျမအတွက်ကတော့ ထူးထူးခြားခြားကြီး မဖြစ်ပေမယ့် ကိုယ့်ရေမြေပြန်ရတော့မယ့်ရက်နီးလာပြီဆိုတဲ့ စိတ်ကလေးတခုနဲ့တင် နေ့ရက်တွေဖြတ်သန်းရင်း ၂၀၁၃ကိုကြိုဆိုဖို့ စဉ်းစားထားပါတယ် ။ ရယူလိုစိတ်ကင်းနေသလို ကြိုးစားလိုစိတ်လည်း အလျဉ်းမရှိတော့ပါဘူး ။ ကျဆုံးခန်းစပြီလို့ သတ်မှတ်ရင်လည်း ခံရုံကလွဲလို့ ပြန်လည်ပြောပြစရာ ရှိလိမ့်မယ်မထင်တော့ပါဘူး ။ အားလုံးပဲပျော်ရွှင်စွာနဲ့ ၂၀၁၃ကို ကြိုဆိုကြပါစို့နော် ။ (နှစ်တိုင်းသုံးသပ်ချက်ပို့စ်လေးတွေ ရေးလေ့ရှိပေမယ့် ဒီနှစ်မှာတော့ ထူးထူးခြားခြားဘာမှရေးစရာမရှိတာကိုက နိဂုံးဖြစ်နေပြီထင်ပါတယ် ) ။

ဆက်ဖတ်ချင်သေးရင်...